Էդգար Շաթիրյանը դեռևս կառավարության թեկնածուն չէ. Լիլիթ Մակունց
ԱմենաընթերցվածԷդգար Շաթիրյանը դեռևս կառավարության թեկնածուն չէ։ Այս մասին այսօր` օգոստոսի 22-ին, լրագրողներին ասաց ԱԺ «Իմ քայլ»-ը խմբակցության ղեկավար Լիլիթ Մակունցը` հավելելով, որ Շաթիրյանը կառավարության հնարավոր թեկնածուն է:
«Պարոն Շաթիրյանին նախկինում առիթ ունեցել ենք առանձին հարցեր ուղղելու, կրկնվող հարցեր չենք ունեցել, քանի որ պարոն Շաթիրյանի տեսակետը մեզ հայտնի է եղել։ Հնչեցրել ենք հարցեր, որոնք առնչվում են արդեն նոր կառույցի հնարավոր կարգավիճակին։ Որպես հնարավոր թեկնածու մեզ բոլոր հուզող հարցերը ուղղել ենք։ Ինչ վերաբերում է թեկնածությունը պաշտոնապես ներկայացնելուն, ապա դեռևս առիթ կունենանք թեկնածուին լսելու ԱԺ նիստերի դահլիճում, այնուհետև գաղտնի քվեարկությամբ մեր դիրքորոշումը կհայտնենք»,- ասաց նա։
Մակունցը տեղեկացրեց, որ եթե լրացուցիչ հանդիպելու անհրաժեշտություն առաջանա, ապա խմբակցությունը այդ մասին տեղյակ կպահի։
«Տարբեր հարցերի շուրջ ենք քննարկում ունեցել՝ այդ թվում Կոռուպցիայի կանխարգելման հանձնաժողովի անդամից հրաժարվելու հետ կապված իր որոշմանը։ Կարծում եմ, եթե պարոն Շաթիրյանը կառավարության կողմից առաջադրվի, ապա առիթ կունենա այդ մասին հրապարակային հնչեցնելու»,- ասաց նա` այլ մանրամասներ չհայտնելով։
Անդրադառնալով կառավարության ներկայացրած նախկին թեկնածու Վահրամ Ավետիսյանի՝իր համաձայնությունը հետ վերցնելուն, Մակունցը նշեց, որ ինքն այլ կերպ է ընկալել պարոն Ավետիսյանի դիրքորոշումը։
«Կարծում եմ պարոն Ավետիսյանի մոտ որոշ տպավորություններ ձևավորվել են առանձին պատգամավորների սուր հարցադրումներից։ Մեր բոլոր հանդիպումներում, տարբեր թեկնածուների հետ մշտապես հնչում են սուր հարցեր, ու դրանցով պայմանավորված տպավորությունները ոչ միշտ է, որ համընկնում են իրականությանը։ Ես կարծում եմ՝ որևէ մեկը մեզանից չի կարող իմանալ, թե որևէ թեկնածու քանի քվե կստանա, որոշում չի կայացվում այդ մասով»։
Լիլիթ Մակունցը անդրադառնալով Վճռաբել եւ Սահմանադրական դատարանների միավորման մասին քննարկումներին,ասաց. «Գիտենք որ սահմանադրական փոփոխությունները քննարկվում են, հնչում են տարբեր տեսակետներ՝ նաև բավականին տրամաբանական մոտեցումներ, այդ թվում Վճռաբեկ դատարանի կրկնվող գործառույթների և տեղ- տեղ ՍԴ-ին հակասող գործողությունների վերաբերյալ։ Տրամաբանական է, որ այդ հարցերը քննարկվում են։ Աշխատանքային խմբի դիրքորոշումը քննարկումից հետո պարզ կլինի, խմբակցությունն էլ կարծիքը կհայտնի»։
1
2
3
4
5
2
3
4
5
1
3
4
5
