«Ռակիրովկա»՝ մեծ պայթյունից առաջ

Կարող ենք վստահաբար նշել, որ ՀՀ-ում արդեն ընթանում են նախընտրական գործընթացներ: Ի՞նչ է տեղի ունենում իշխանական ճամբարում:
ՀՀԿ-ում ընթանում են նոր «ռակիրովկաներ», ինչպես նշում են անձամբ կուսակցականները, կառույցի ներսում սկսվել է լուրջ փոփոխությունների սեզոն: Սա բնական է, քանի որ յուրաքանչյուր քաղաքական լուրջ գործընթացից առաջ բոլոր քաղաքական կառույցներում սկսվում են սեփական ուժերի գնահատման և վերանայման փուլ:
Այսօր նմանօրինակ մթնոլորտ է տիրում ողջ հայրենի քաղաքական դաշտում: Գրեթե բոլոր քաղաքական խաղացողներն, անկախ իրենց տրամաչափից պատրաստվում են գարնանային «մեծ պայթյունին»:
Քաղաքական սպասվող գործընթացից առաջ իշխանություններն իրենց շարքերում փորձում են ինքնամաքրման գնալ: Տևական ժամանակ հետևելով քաղաքական զարգացումներին, ինչպես նաև ԱԺ աշխատանքներին կարող եմ փաստել հետևյալը. մեր քաղաքական դեմքերը լուրջ թարմացման կարիք ունեն:
Նրանց գործելաոճում մի տեսակ լճացված գործելաոճ կա, ինչը խոսում է քաղաքական անտարբերության մասին: Իշխանությունների համար «կառոննի» քայլ կլինի, եթե համամասնական ցուցակում չընդգրկեն անվանարկված և հղփացած կադրերին, և ստեղծեն թարմացված ու աշխատունակ կադրերով համալված թիմ:
Ըստ էության կարող ենք ասել, որ նման փորձը կիրառվեց գործադիր օղակում. այնտեղ ներկայումս ընթացող փոփոխությունները վերանշյալի դասական օրինակն է այն տարբերությամբ, որ պառլամենտում աշխատելը նաև այլ որակներ է պահանջում:

Արմեն Հովասափյանի ֆեյսբուքյան էջից