Փաշինյանը չկարողացավ հերքել մաքսանենգության վերաբերյալ ակնհայտ փաստերը. «Գոլոս Արմենիի»
ՔաղաքականությունՓաշինյանի՝ հերքումների վերաբերյալ ելույթը բովանդակային չէր: Նախ, վարչապետը չհերքեց մաքսանենգ ապրանքներով չվերթների հետ իր կապի մասին մեղադրանքները, ինչպես նաեւ ոչինչ չասաց ադամանդների ապօրինի ներմուծման եւ արտահանման մասին: Երկրորդը, նա հայտարարեց, որ, իբր, իրեն կոշիկի եւ թմրանյութերի հետ կապված բիզնես են վերագրում, չնայած կոշիկների եւ թմրանյութերի մասին ոչ ոք ոչինչ չէր ասել: Այս մասին գրում է «Գոլոս Արմենիի» թերթը՝ զարգացնելով թեման:
«Փաշինյանը պետք է հերքեր վերջին օրերի սկանդալային բացահայտումները, սակայն չարեց դա, քանի որ հնարավոր չէ հերքել ակնհայտը. Հայաստանը, Վատիկանի պետությունում նախկին դեսպան Միքայել Մինասյանի բնորոշմամբ, դարձել է համաշխարհային մաֆիոզ համակարգի մի մաս: Մինչ ժողովուրդը պայքարում է գոյատեւման համար, իշխանությունը՝ վարչապետի գլխավորությամբ, զբաղված է հարստացմամբ: Ամբողջ աշխարհով թնդաց Երևանից Կրասնոդար, իսկ ապա՝ Վորոնեժ ժամանած ինքնաթիռում մաքսանենգ ծխախոտի մեծ խմբաքանակի ձերբակալման հետ կապված սկանդալը, միեւնույն ժամանակ ծագեց հնդկական ադամանդների ապօրինի ներմուծման, վերամշակման եւ արտահանման գործարքի հետ կապված սկանդալը:
Ռուսական պարբերականները հայտնել էին Հայաստանի տարածքից մաքսանենգ ոսկու մեծ խմբաքանակի դուրսբերման մասին: Մինչ մարդիկ սովում են եւ փորձում ինչ-որ կերպ պաշտպանվել կորոնավիրուսից, իշխանությունները մաքրում են ապօրինի հարստացման հետքերը: Փաշինյանը ստիպված կլինի պատասխանել հարցին, թե արդեն երկու տարի է ո՞ւմ գրպանում է մաքսանենգ ծխախոտի վաճառքից, ալմաստի եւ ոսկու ապօրինի շրջանառությունից ստացված գումարը »,- նշում է թերթը:
Հոդվածն ամբողջությամբ կարդացեք «Գոլոս Արմենիի» թերթում:
1
2
3
4
5
1
2
4
5
2
4
