Հերթական «շառը»․ անչափահաս աղջիկը, իր կամքով սեռական հարաբերություններից հետո, բռնաբարելու մասին մատնություն է արել տղային

armlur.am

Աքսաննա Անդրանիկի Բաղդասարյանին մեղադրանք է առաջադրվել այն բանի համար, որ նա հանդիսանալով 16 տարին լրացած անձ, նախազգուշացված լինելով ՀՀ քրեական օրենսգրքի 333-րդ հոդվածով սահմանված սուտ մատնություն կատարելու համար, ոստիկանությունում կեղծ հաղորդում է տվել իրեն բռնաբարելու համար,- այս մասին ArmLur.am-ը տեղեկանում է «Դատալեքս» տեղեկատվական համակարգից: Ամբաստանյալ Աքսաննա Բաղդասարյանը դատարանում հայտնել է, որ առաջադրված մեղադրանքում իրեն մեղավոր է ճանաչում, 2015 թվականի ամռանն աշխատել է մանկական սրճարանում, որտեղ ծանոթացել է Վիկա անունով մի աղջկա հետ: Օգոստոս ամսին ինքն ու Վիկան Կապան քաղաքից որոշել են գնալ Երևան քաղաք՝ զբոսնելու: Գալով Երևան, Վիկան զանգահարել է իր ծանոթ Գևորգ Ալեքսանյանին և խնդրել է իրենց գիշերելու համար ինչ-որ վայր գտնել: Այնուհետև Գևորգը զանգահարել է իր մորաքրոջ որդուն՝ Կարենին, ով ավտոմեքենայով եկել է և իրենք գնացել են հյուրանոց, որտեղ հաց են կերել գարեջուր են խմել, որից հետո ինքն ու Կարենն առանձնացել են մի սենյակում և սեռական հարաբերություն են ունեցել: Կ.Մանուկյանն իր նկատմամբ որևէ բռնություն չի գործադրել կամ սպառնալիք չի տվել և ինքը նրա հետ սեռական հարաբերություն է ունեցել իր կամքով: Առավոտյան Կ.Մանուկյանը գնացել է, իսկ ինքը Վիկան և Գևորգը մինչ ժամը 16-ը մնացել են հյուրանոցում, որից հետ իրենք գնացել են Կապան: Ամիսների ընթացքում զգացել է, որ իր հետ ֆիզիոլոգիական փոփոխություններ են կատարվում և ինքը մորը հայտնել է, որ հղիություն ունի և որպեսզի արդարացնի իր քայլը մորը հայտնել է, որ իրեն 2015 թվականին բռնաբարել են: 2015 թվականի դեկտեմբերին մոր հետ եկել է Երևան քաղաք և հետազոտություն անցնել, որի արդյունքում հաստատվել է իր հղիության հանգամանքը: Դրանից հետո, իր մայրը զանգահարել է ոստիկանություն ու հայտնել, որ իրեն բռնաբարել են: Այնուհետև ինքը մոր հետ գնացել է ոստիկանության Շենգավիթի բաժին ու հաղորդում է տվել, որ 2015 թվականի օգոստոսին ՙՄերսեդես՚ հյուրանոցում իրեն բռնաբարել է Կարենը: Երեխայի ծնվելուց հետո Կարենը ճանաչել է հայրությունն ու կինը դատարանում հայտնել է, որ զղջում է կատարած հանցանքի համար: Դատարանն ուսումնասիրելով փաստերը որոշեց Աքսաննա Անդրանիկի Բաղդասարյանին ազատել ՀՀ քրեական օրենսգրքի 333-րդ հոդվածի 2-րդ մասի 1-ին կետով նախատեսված քրեական պատասխանատվությունից, նրա նկատմամբ կիրառել դաստիարակչական բնույթի հարկադրանքի միջոց` ծնողների հսկողությանը հանձնելը: Աքսաննա Բաղդասարյանի հսկողությունը հանձնել նրա ծնողներին՝ Անդրանիկ Բաղդասարյանին և Նաիրա Խաչատրյանին՝ 6/վեց/ ամիս ժամկետով: