Ինչ է նիմֆոմանիան

Ըստ գիտական սահմանման, այս հոգեկան խանգարումը որակվում է որպես աղջկա կամ կնոջ չափից դուրս սեռական հակում․ հիպերսեքսուալության տարատեսակ։ Առկա է մշտական սեռական անվարարվածություն, էրոտիկ ֆանտազիաներ, մտքեր, զուգընկերների չընդհատվող փնտրտուքներ, արդյունում, սեռական վարքի խաթարում և անկանոն սեռական կապեր։

Տեսնենք, թե ինչ է ասում այս խանգարման մասին ԵՊԲՀ սեքսոլոգիայի ամբիոնի դասախոս, սեքսոպաթոլոգիայի կլինիկայի բժիշկ-սեքսոպաթոլոգ, բժշկական գիտությունների թեկնածու Վրեժ Շահրամանյանը․

Շատերը կարծում են, որ դա մեծ երջանկություն է` սիրային հարաբերություններ ունենալ նիմֆոմանուհու հետ և ամեն օր ու ամեն պահի լինել ցանկալի կնոջ համար, իսկ մի քանի շաբաթից վերածվել քամած լիմոնի և ահով դիտել գեղեցկուհուն, ում հնարավոր չէ բավարարել: Նիմֆոմանուհին նույնպես հայտնվում է ոչ այդքան բարենպաստ իրավիճակում: Սեքսի ժամանակ նա կարող է օրգազմներ ունենալ, բայց սեռական լիցքաթափում, որպես այդպիսին, չլինի:

Սեռական անբավարարվածությունը բերում է նրան, որ կինը վեր է ածվում սկանդալների սիրահար դեպրեսիվ հիստերիկի, աղմկոտ տեսարանների սիրահարի: Նա զուգընկերոջ ներկայությամբ սկսում է թատերական դրամաներ խաղալ` փորձելով մանիպուլյացիայի ենթարկել նրան, երբեմն ստիպված է խաբել բոլորին, որպեսզի կարողանա բավարարել իր սեռական պահանջմունքները:

Նիմֆոմանուհին սեքսի անկառավարելի ցանկություն է զգում, պատրաստ է սեռական հարաբերություններ ունենալ ցանկացած զուգընկերոջ հետ` առանց ուշադրություն դարձնելու այնպիսի պայմանականությունների, ինչպիսիք են՝ տարիքը, կարգավիճակը, արտաքինը, իսկ երբեմն էլ` վայրը:

Նիմֆոմանիան (nymphe — հարսնացու, mania— կիրք, խելագարություն) կանանց և աղջիկների՝ նորմայից ավելի սեքսուալ ակտիվությունն: Այս երևույթը ունի երկու հիմնական պատճառ: Մի դեպքում այն առաջանում է հոգեկան խանգարումների, ինչպես նաև իգական սեռական օրգանների ֆունկցիաների խանգարումների հետևանքով: Մեկ այլ դեպքում՝ այն կնոջ թերարժեքության բարդույթի պատճառով է տեղի ունենում, այդ թվում նաև սեռական անբավարարության:
Ընդ որում` եթե նորմալ մարդիկ կարողանում են կառավարել իրենց սեքսուալ ցանկությունները, ապա նիմֆոմանիայով տառապողները դա չեն կարողանում: Արդյունքում՝ պատահական սեռական կապերի թիվը գերազանցում է բոլոր նորմաները:

Հիվանդությունը կարող է առաջանալ նաև դաշտանային ցիկլի դադարից՝ կլիմաքսից հետո, չնայած այս տարբերակը շատ հազվադեպ է պատահում և թաքնված հոգեկան խանգարումների՝ շիզոֆրենիա, հիստերիա, փսիխոզ և այլն, արդյունք է:
Նման հիվանդություն գոյություն ունի նաև տղամարդկանց մոտ և կոչվում է սատիրիազիզ: Ընդ որում` սրա մասին ավելի քչերին է հայտնի, քանի որ հաճախ դժվար է տարբերել սատիրիազիսը և պրոմիսկուիտետը: Վերջինս անկանոն սեռական կյանքն է բազմաթիվ զուգընկերների հետ, որը կարող է լինել ինչպես տղամարդկանց, այնպես էլ կանաց մոտ: Այդպես անվանել են դեռևս չզարգացած ցեղախմբերում ընտանիքի և բարոյական նորմերի բացակայության պայմաններում ցեղի անդամների՝ միմյանց հետ անկանոն կապերը: Դա հասարակության կողմից չխրախուսվող վարք է, սակայն հիվանդություն չէ:

Իսկ սատիրիազիսը տղամարդու սեռական անբավարարության, այլ հիվանդությունների կամ թերարժեքության բարդույթի հետևանքով նորմայից ավելի սեքսուալ ակտիվությունն է: Ընդ որում` նման տղամարդիկ, ինչպես և նիմֆոմանուհիները, տևական կապեր չեն ունենում միևնույն զուգընկերոջ հետ, չեն ամուսնանում կամ ամուսնանում են շատ հաճախ: Չեն կարողանում կառավարել իրենց ցանկությունները: Այս հիվանդությունը նույնպես ուղեկցվում է հոգեկան խանգարումներով: Ինչպես և նախորդ դեպքում, այնպես էլ այս, սեռական բավարարվածություն ստանալը դառնում է հիվանդագին նպատակ:

Գերբարձր սեռական ցանկությունը շեղում է, որը ուղեկցվում է տվյալ անհատի անձնային և ֆիզիոլոգիական շեղումներով: Մեր կլինիկական գործունեության ընթացքում ևս հանդիպում ենք նման դեպքերի, երբ կինը գանգատվում է գերուժեղ ու անսանձ սեռական ցանկությունից:
Թե՛ նիմֆոմանիան, թե՛ սատիրիազիսը հնարավոր է բուժել, եթե անձը գիտակցում է իր վիճակը և ժամանակին դիմում է բժշկի, սակայն, կախված հիվանդության փուլից, կարող է երկարատև բուժում պահանջվել: