Ապատեղեկատվությունը՝ մեդիադաշտի գլխավոր սպառնալիք
Blog
Մանե Առաքելյանը ֆեյսբուքյան իր էջում գրում է.
Կցանկանայի մի փոքր անդրադարձ կատարել վերջերս մամուլ սպրդած այն հայտարարություններին, թե «ԱրարատՑեմենտ» գործարանը պետության նկատմամբ չի կատարել մոտ 269 միլիոն հարկային պարտավորություն: Տեղեկատվությունը նոնսենսի դաշտից էր, քանզի «Մուլտի Գրուպ» կոնցեռնին պատկանող բոլոր գործարանները պարտաճանաչ հարկատուների ցուցակում են: Այսօր արդեն «Մուլտի Գրուպ» կոնցեռնի տնօրեն Սեդրակ Առուստամյանը հանդես եկավ հիմնավոր հերքմամբ՝ փաստելով, որ «ԱրարատՑեմենտը» աշխատել է բացառապես օրենքի շրջանակներում, կատարել է փաստաթղթավորման բոլոր գործառույթները:
Իսկ ինչ վերաբերում է «Ժամանակ» օրաթերթի այն հրապարակմանը, թե իբր այս պրակտիկան տարածվել է նաև «Մուլտի Գրուպ»-ի գազալցակայանների վրա, բացարձակ հերյուրանք է: Նախ, շրջանցելով այն փաստը, որ այս թերթի թիրախում Գագիկ Ծառուկյանի գործունեությունը մշտական կանխակալ և սուբյեկտիվ լուսաբանման ներքո է, նշեմ, որ գազալցակայանները ևս հարկատվության հետ կապված ոչ մի խնդիր չունեն: Այդ մասին ևս այսօր Սեդրակ Առուստամյանը հստակ հայտարարեց: Փաստորեն սա ևս օրաթերթի էժան հորինվածքներից մեկն էր:
Այնպիսի տպավորություն է, որ օրաթերթի գերխնդիրը ինչ-որ մեկի սպասելիքները արդարացնելն է (հասկանալի է, թե ում)՝ նույնիսկ մեդիադաշտը ապականելու գնով: Իսկ Ծառուկյանի տասնամյակների բարեգործական գործունեությունը, սոցիալական ծրագրերը ժողովրդի մեջ նրա համբավը դարձրել են այն անմսխելի կապիտալը, որի վրա այս մանր քար նետողները ընկալվելու են առ ոչինչ: Խորհուրդ ենք տալիս ժամանակը առավել օգտակար տնօրինել, և այն չվատնել սուտ զրպարտությունների վրա:
1
2
3
4
5
2
3
4
5
2
5
