Պալաչը սովորության համաձայն փորձում է նենգափոխել նախկինում արված հայտարարությունները

Աբել Մկրտչյանը ֆեյսբուքյան իր էջում գրում է.

Քննչական կոմիտեից երեկ մի հետաքրքիր տեղեկատվություն է հրապարակվել: Խոսքը վերաբերում է հանրությանը իր խնդրահարույց վարքուբարքով քաջ հայտնի Պալաչին՝ Արթուր Հարությունյանին, մասնավորապես նրան պատկանող «Քինգ Դելյուքս» և «Տրանս Կոմֆորտ» ՍՊ ընկերություններին, որոնք, իբրև թե շուկայից դուրս էին մղվել ոչ արդար մրցակցային պայմանների հետևանքով՝ դրանում մեղադրելով «Գագիկ Ծառուկյան» բարեգործական հիմնադրամին: 
Պարզապես հիշեցնեմ, որ երբ տխրահռչակ Պալաչը իր ընկերություններով մտավ այդտեղ, հիմնադրամի բարեգործական ավտոբուսները, որոնք, ի դեպ, բնակիչների համար փրկություն էին բառիս բուն իմաստով, արդեն 10 տարուց ավելի իրականացնում էին ուղևորափոխադրումներ: 
Քննչական կոմիտեի հրապարակումից պարզվում է, որ լրիվ հակառակ գործընթացն է գնացել, այդ Պալաչի ընկերությունների նկատմամբ էին աչքակապոցի խոստացել՝ իհարկե որոշակի ծառայությունների դիմաց: Եվ մյուս կողմից՝ խոչընդոտներ ստեղծել բարեգործական հիմնադրամի անվճար ավտոբուսների երթուղի դուրս գալու համար:
Ի դեպ, այս խնդրով տարիներ շարունակ դատարանների դռներով պտտվող Պալաչը ոչ մի հաջողություն չի կարողացել գրանցել, քանզի արդեն ավելի քան պարզ է, որ հենց իր ընկերություններն էին խախտումների հեղինակները: Ավելին, Պալաչը կազմակերպել էր ինքնասնանկացման գործընթաց՝ մեղադրելով այլոց, և այդ ճանապարհին չէր խնայել ոչ ոքի՝ ընկերներին, հարազատներին, նույնիսկ սեփական եղբորն ու ծնողներին՝ վերջիններիս կանգնեցնելով անօթևան թողնելու փաստի առջև:Հիշեցնեմ, որ միայն Գագիկ Ծառուկյանի բարի կամքի դրսևորման շնորհիվ՝ գրավի տոկոսները փոխհատուցվեցին բանկին, որպեսզի Պալաչի ծնողները դրսում չհայտնվեին:

Բացի այդ հիշեցնենք, որ Պալաչը հայտնի է մի բան արտահայտելու, հետո ներողություն խնդրելու իր ձեռագրով: Մասնավորապես բոլորս հիշում ենք հայտնի տեսանյութը, որտեղ նա անձամբ ներողություն է խնդրում Գագիկ Ծառուկյանից, և թվում է թե այսքանից հետո վերջինս պետք է որ առհասարակ երես չունենար կրկին անգամ իր մասին հիշեցնելու:
Հիմա ստացվում է, որ անցած-գնացած այս պատմությունը կրկին հրապարակ է նետվել ոչ ավել ոչ պակաս հենց գլխավոր դերակատարի կողմից՝ չնայած որ Պալաչը այսօր հարցազրույցներից մեկում պնդում է, որ իր հայտարարությունը ճիշտ չի մեկնաբանվել: Դե պալաչանման կարմիր կովերը իրենց կաշին չեն փոխում:
Քննչական կոմիտեի հրապարակումը ավելի քան հասկանալի է, բոլոր հարցերի պատասխաններն այնտեղ հստակ շարադրված են: Եվ կարծում եմ անգամ հարկ կլինի քննության ավարտից հետո հասարակությանը ևս իրազեկելու, թե այդ ում բողոքի պատճառով է քրգործ հարուցվել: