ՀԲՖ նախագահի ընտրություննմերը խախտումներով են անցել. փաստ

Հասմիկ Պողոսյանը ֆեյսբուքյան իր էջում գրում է.

Օգոստոսի 2-ին տեղի ունեցած Հայաստանի բռնցքամարտի ֆեդերացիայի նախագահի ընտրությունների շուրջ բավկանին երկար ժամանակ խոսակցությունները չէին դադարում, պատճառն այն էր, որ ՀԲՖ նախագահի ընտրություններն անցել էին մի շարք խախտումներով և միակ թեկնածու՝ Արթուր Գևորգյանը ստանձնել էր այդ պաշտոնը: Այս ամենը շարժել էր բռնցքամարտի անվանի ներկայացուցիչների զայրույթը և նրանց պահանջի հիման վրա ԱԻԲԱ-ն (բռնցքամարտի միջազգային միություն) սկսեց օգոստոսի 2-ին տեղի ունեցած ընտրություների շուրջ կատարել քննություն:
Սակայն մինչ պարզ կլինեին քննության արդյունքները, Արթուր Գևորգյանը անամոթաբար շարունակում էր ստել, որ ընտրություններն անցել են առանց որևիցէ խախատումների և նույնիսկ պնդում էր, որ ընտրությունների ավարտից հետո ԱԻԲԱ-ն (բռնցքամարտի միջազգային միություն) շնորհավորել է նրան այդ պաշտոնը ստանձնելու կապակցությամբ:
Քննության արդյունքները երկար սպասեցնել չտվեցին և ցավով ուզում եմ նշել, որ ԱԻԲԱ-ն հայտնաբերել է մի շարք խախատումներ ընտրությունների անցկացման հետ կապված: Հանդես գալով հայտարարությամբ նշել է, որ ընտրությունների անցկացման կարգը չի համապատասխանել ԱԻԲԱ-ի կանոնադրությանն ու կանոններին և պահանջ է ներկայացրել հարգել իր կանոններն ու անցկացնել նոր ընտրություններ, որոնցում նա կունենա իր ներկայացուցիչը, ով էլ կհետևի ընտրության ընթացքին, հակառակ դեպքում Հայաստանի ազգային ֆեդերացիան կհեռացվի բռնցքամարտի միջազգային միությունից:
Արթուր Գևորգյանը բազմիցս ներկայանալով սին հայտարարություններով և հերքելով իր կատարած խախտումները՝ անդառնալի վնաս պատճառեց Հայաստանի Բռնցքամարտի ֆեդերացիայի բարի համբավին՝ միջազգային հարթակներում:
Նախքան ընտրությունները բազում անգամներ զգուշացվել էր Արթուր Գևորգյանին, որ ստահոդ հայտարարություններով հանդես չգա և դրանով իսկ վնաս չպատճառի, թե՛ ֆեդերացիայի անդամներին և թե՛ մարզիկներին, սակայն այս մարդը հետապնդելով միայն իր շահը այս ամենում շարժվեց «ջայլամի քաղաքականությամբ», վնաս հասցնելով առաջին հերթին իրեն:
Կարծում եմ այս ամենից հետո Արթուր Գևորգյանը կկրի իրեն հասանելի պատիժը և կսովորի հարգել սահմանված կանոնները: