Սադրիչ և պատվերով աշխատող լրատվականներն ի վերջո կստանան իրենց արժանին

Մարգո Կոստանդյանը ֆեյսբուքյան իր էջում գրում է.

Ոչ ոքիս համար գաղտնիք չէ, որ Հայաստանում գրեթե ի սպառ բացակայում է «լրագրողական էթիկա» հասկացողությունը, ինչը մեծ վտանգ է իրենից ներկայացնում, քանզի հայկական լրատվամիջոցները չարաշահելով լսարանի վստահությունը, կեղծ տեղեկություններ են տարածում: Երևի հասկանալի է, որ այդ ապատեղեկատվությունների հետևում կանգնած է լինում կոնկրետ քաղաքական ուժ, որը ցանկանում է տվյալ քայլով «խփել» օպոնենտ քաղաքական ուժի վարկանիշին:
Սույն թվականի նոյեմբերի 26-ից մեկնարկեց 7-րդ գումարման Ազգային Ժողովի արտահերթ ընտրությունների քարոզարշավը, ինչն ավելի սրեց այդ կեղծ լրատվականների թուրը: Ոչ ոքի համար գաղտնիք չէ, որ ներկայիս դրությամբ քաղաքական դաշտում հասարակության կողմից վստահություն վայելող ընդամենը 2 քաղաքական ուժ կա, այդ իսկ պատճառով մնացյալ ուժերը անցել են «կեղտոտ» պայքարի: Թեկնածուներից մեկն իր անձնական ենթակայության տակ ունի ամենա խոշոր լրատվամիջոցներից մեկը, մյուսը ունի բավական ֆինանսական միջոցներ մեկ այլ լրատվականին քաղաքական ապատեղեկատվություն կրող նյութ պատվիրելու համար : Ինչևէ, ինչpես արդեն նշեցի, այս ամենը մեծ վտանգ է ներկայացնում հասարակության քաղաքական մտածելակերպի զարգացման համար:
Երեկ ՝ նոյեմբերի 30-ին , անհայտ ծագումնաբանություն ունեցող lragir.am կայքում հրապարակվեց նյութ, որն իր ամբողջ էությամբ արտացոլեց այդ կայքի աշխատելաոճը: Նյութը վերաբերում էր ԲՀԿ նախագահ Գագիկ Ծառուկյանին և իրենից ներկայացնում է ապատեղեկատվության վրա հիմնված քաղաքական հակաքարոզ: Խոսվում էր Ծառուկյանի լինել կամ չլինելու մասին քաղաքական դաշտում և զուգահեռներ անցկացվում նախկին իշխանությունների հետ:
Տվյալ հոդվածում խոսվեց նաև Ծառուկյանի ներդրումների մասին, այն համատեքստում, որ այլևս պարտադիր չէ, որ Ծառուկյանը լինի քաղաքական դաշտում ներդրումների անվտանգության երաշխավոր լինելու համար, քանզի գործող վարչապետ Փաշինյանը հաստատել է, որ օտարերկրյա ներդրումնեից ոչ մի դրամ չի ծառայելու ուրիշ նպատակի: Այո , մենք ՀՀ քաղաքացիներս շատ լավ հասկանում ենք, որ եկել են նոր ժամանակներ, որ մենք հիմա ապրում ենք Նոր Հայաստանում, բայց դրանում համոզված կարող ենք լինել միայն մենք: Օտարերկրյա ներդրողը չի կարող ամբողջովին վստահել մեր կառավարությանը, քանզի տարիներ շարունակ տեսել է , թե ինչպես են նախկին իշխանությունները Հայաստան եկած գումարներով կառուցել մեծ դղյակնեկներ և գնել թանկարժեք ավտոմեքենաներ, իսկ վերջին 10 տարիների ընթացքում ներդրումների անվտանգության միակ երաշխավորը եղել է Գագիկ Ծառուկյանը, ով ունի մեծ վստահություն Հայաստանի սահմաններից դուրս: Այո, միգուցե 10 տարի հետո այդ ներդրողները տեսնեն , որ Նոր Հայաստանի կառավարությունը արդար է և սկսեն աշխատել անմիջապես իշխանությունների հետ, բայց հիմա ոչ մի ներդրող չի գնա այդ ռիսկին: Իսկ ԲՀԿ առկայությունը նոր խորհրդարանում ուղղակիորեն բխում է հանրության շահերից այն համատեքստում, որ նրանց գործադիրում իրականացրած աշխատանքներն արտացոլում են հանրային տրամադրությունները:
Այսքանից հետո սադրիչ ու պատվերով աշխատող լրատվականներին խորհուրդ ենք տալիս հանդարտվել և չփորձել թացը խառնել չորին, դրանից կտուժի ոչ թե թիրախ դարձած քաղաքական ուժը կամ գործիչը, այլ հենց տվյալ լրատվականը: