Գագիկ Ծառուկյանի ֆակտորը մեծ է Հայաստան-Ռուսաստան գործընկերային կապերի խորացման գործում
Հասարակություն
Սոֆյա Ասատրյանը գրում է.
Սույն թվականի նոյեմբերի 22-ին ԲՀԿ նախագահ Գագիկ Ծառուկյանը աշխատանքային այցով հյուրընկալվեց Մոսկվայում, որտեղ նրան դիմավորեց Ռուսաստասնի Դաշնային ժողովի պետական դումայի նախագահ Վյաչեսլավ Վոլոդինը: Հանդիպման շրջանակներում քննարկվեցին Հայաստանի և Ռուսաստանի մեջ եղած բարեկամական կապերի ամրապնդումը, ռազմական համագործակցությունը, և երկու կուսակցությունների հետագա կապերի խորացումը: Վոլոդինը կարևորեց Հայաստանի դերը Ռուսաստանի արտաքին քաղաքական դաշտում, շեշտ դնելով մեր երկրների միջև երկար տարիների եղբայրական հարաբերությունների վրա, իսկ հանդիպման վերջում նաև ավելացրեց, որ հետևում է Հայաստանի ներքին քաղաքական կյանքին, և մաղթում է Գագիկ Ծառուկյանին հաջողություններ գալիք խորհրդարանական ընտրություններում, քանզի վստահ է , որ «Բարգավաճ Հայաստան» կուսակցությունը շատ ավելի պատգամավորական մանդատ կունենա նոր խորհրդարանում:
Տեղի ունեցածը չափազանց կարևոր իրադարձություն է , մեր երկրի թե ներքին , և թե արտաքին քաղաքականության համար, քանզի Սերգեյ Նևերովը հանդիսանում է Ռուսաստանում իշխող քաղաքական ուժի ՝ «Եդինայա Ռոսիյա» ֆրակցիայի ղեկավար, և դաշնակից երկրի իշխող կուսակցության հետ բարեկամական կապեր ունենալն էլ ավելի կխորացնեն երկու երկրների համագործակցությունը և հետագա հարաբերությունները, լինեն դա տնտեսական թե ռազմավարական: Պետք է նաև հաշվի առնենք Գագիկ Ծառուկյանի ֆակտորը, ինչը բավականին մեծ դեր կունենա այս գործում , քանզի Ծառուկյանը մեծ հարգանք և վստահություն է վայելում անգամ Հայաստանի սահմաններից դուրս:
Ըստ իս երկու կուսակցությունների միջև հետագա համագործակցությունները տեղի կունենան ԱԺ ընտրություններից հետո, և այս ամենը կարող է դառնալ մի նոր քաղաքական «էռա»-ի սկիզբ:
1
2
3
4
5
1
2
3
4
5
1
3
4
