Հավասարության նշան դնել Գագիկ Ծառուկյանի և խորհրդարանական գործարարների միջև՝ քաղաքական տհասություն է

Ալբերտ Մկրտչյանը ֆեյսբուքյան իր էջում գրում է.

Բոլորս էլ հիանալի կհիշենք Նիկոլ Փաշինյանի այն հայտարարությունը, որը նա արեց ԱԺ-ում՝ 1-ին անգամ Վաչապետ ընտրվելուց հետո՝ «գործարարները այլևս ստիպված չեն լինելու ճամպրուկներով գնալ Բաղրամյան 26»։ Սա նշանակում է, որ նրանց այլևս պետք չեն գալու երաշխիքային քվոտաներ՝ պատգամավորների տեսքով:

Նորությունը արժանացավ համընդհանուր հավանության հենց նույն գործարարների կողմից։ Դրան հետևեց հաջորդ հայտարարությունը՝ «գործարարները նոր ընտրվելիք խորհրդարանում այլևս տեղ չպիտի ունենան»: Ամբողջությամբ համակարծիք լինելով այս մտքին՝ կարելի է ընդամենը 2 փաստ արձանագրել:

Փաշինյանի հայտարարությունից հետո Ազգային ժողովի գործարար խավը անմիջապես արձագանքեց, և, դրսևորելով գործարարին հատուկ ճկուն մտածողություն, ընկալեց քաղաքականության նոր կուրսը: Գործարարերի այդ «աստղաբույլին» բոլորս էլ անգիր գիտենք, գիտենք, թե ովքեր էին այնտեղ հայտնվել զուտ նրա համար, որ ընտրությունների ժամանակ, ահռելի գումարներ ծախսելով, ահռելի ձայներ բերեն ՀՀԿ-ի համար:
Սակայն լրագրողները, իրերը նույն հարթությունում դիտարկելու իրենց ոճին հավատարիմ, շրջանառության մեջ դրեցին նաև Գագիկ Ծառուկյանի անունը, թե իբր վերջինս ևս գործարար է, ուստի նոր խորհրդարանում պիտի որ չառաջադրվի: Նախ, Ծառուկյանին վերոնշյալ գործարարների հետ նույն հարթությունում չափելը, ներեցեք, բայց քաղաքական տհասություն է, և լրագրողներն իրենք հիանալի գիտեն այդ մասին: Եթե նույնիսկ մի կողմ թողնենք այն փաստը, որ Փաշինյանը մոտ 1 ամիս առաջ անձամբ հայտարարեց, որ Ծառուկյանը գործարար չէ, այլ խոշոր սեփաականատեր, ով իր բիզնեսները հանձնել է հավատարմագրային կառավարման, միայն այն հանգամանքը, թե Հայաստանի ներքին և արտաքին քաղաքկաան կյանքում ինչ մեծ ներդրում ունի Ծառուկյանի հիմնադրած կուսակցությունը՝ ԲՀԿ-ն, բավական կլիներ այս զազրախոսություններին վերջ դնելու համար:

Ստեղծման օրվանից մինչև հիմա ԲՀԿ-ն անվերապահորեն ծառայել է ժողովրդին ամենատարբեր հարթակներում: Այն ժողովրդականություն վայելող կուսակցություններից մեկն է, ինչին արժանացել է սրտացավ և բարեխիղճ երկարամյա աշխատանքի արդյունքում:

Դրա շնորհիվ է, որ միջազգային քաղաքական շրջանակներում ԲՀԿ-ն համարվում է վստահելի գործըներ, և միայն վերջին մի քանի ամիսների ընթացքում ԲՀԿ-ն՝ ի դեմս Գագիկ Ծառուկյանի, մեծամասշտաբ այնպիսի միջազգային միջոցառումներ է իրականացրել, որոնք այլ երկրներում պետական մակարդակով են իրականացվում:
«Բարգավաճ Հայաստանը» Եվրոպայի Պահպանողականների և Ռեֆորմիստների դաշինքի անդամ է։ Վերջերս այն հյուրընկալել էր Ռուսաստանի իշխող «Եդինայա Ռոսիա» կուսակցության բարձր ներկայացուցչական կազմին: Եվ իր բոլոր կապերը ծառայեցնում է Հայաստանի բարօրությանը: Այնպես որ՝ հավասարության նշան դնել Գագիկ Ծառուկյանի և խորհրդարանական գործարարների միջև, քաղաքական տհասություն է: