Գագիկ Ծառուկյանը, արժևորելով հայ-ուկրաինական դիվանագիտական կապերը, ամրապնդեց դրանք

Շահանե Անտոնյանը ֆեյսբուքյան իր էջում գրում է.

Հայաստանի և Ուկրաինայի միջև դիվանագիտական հարաբերություններ հաստատվել են դեռևս մեկ դար առաջ ու տարիների ի վեր այս պետությունը մեզ համար եղել է դաշնակից և եղբար պետություն համարվել։ Իսկ երկների միջև սովորաբար ամուր կապեր ստեղծվում են մշակութային հարթակներում, մշակութային գործիչների շնորհիվ։

Հայասանի և Ուկրաինայի համար ժամանակին նման դեր ունեցել է ուկրաինացի հայտնի բանաստեղծ, արվեստագետ և հեղափոխական Տարաս Շևչենկոն, ով Հայաստանի և հայ ժողովրդի հանդեպ ունեցած իր սիրո շնորհիվ ստեղծել է կապ իր մայրենի երկրի հետ և կարելի է ասել՝ Շևչենկոն դարձել է Հայաստանում Ուկրաինայի ոչ պաշտոնական դեսպանը։

Այս ամենը քաջ գիտակցելով է, ինչպես նաև դրսևորելով մեծ հարգանք առկա մեկդարյա դիվանագիտական կապերի հանդեպ, հայ ժողովրդի ամենից արժանի զավակներից մեկի՝ Գագիկ Ծառուկյանի նախաձեռնությամբ և հովանավորությամբ Երևանի կենտրոնում կանգնեցվել էր երկու երկրների համար կապող օղակի դեր ունեցող մշակութային գործչի հուշարձանը։

Միջազգային հարաբերություններում կարևոր են ոչ միայն կապեր ստեղծելը, այլև դրանց ամրապնդելը, խորացնելն ու պահպանելը և դա լավագույնս արվում է արժևորելով արդեն եղածը։

Հենց այս նպատակն է ընկած այս միջացառման հիմքում, ինչի մասին նշեց Գագիկ Ծառուկյանը իր խոսքում։ Ուկրաինայի արտակարգ և լիազոր դեսպանը ևս կարևորեց այս իրադարձությունը, իրենց մշակութային գործչին այսպես բարձր գնահատելն ու հարգանքի արժանացնելը։

Ինչ խոսք, այսպիսի իրադարձությունները նոր շունչ են հաղորդում երկու երկրների համար և ունեն կենսական արժեք դաշնակից պետությունների հետ հարաբերությունների կայունության հարցում։