Ծառուկյանի հարցազրույցի առանցքային շեշտադրումը՝ գործել ի շահ պետության

Հասմիկ Վարդանյանն իր ֆեյսբուքյան էջում գրում է.

Հայաստանյան ներքաղաքական դաշտը վերջին շրջանում լի է բուռն իրադարձություններով: Այդ իրադարձությունների զարգացման դինամիկան երբեմն-երբեմն լուսանցքում է թողնում քաղաքական որոշ ուժերի և գործիչների, ովքեր չունենալով ներուժ և ռեսուրս, չեն կարողանում «հասնել» այդ արագ զարգացումների հետևից, ինչը կրկին անգամ վկայում է այն մասին, որ երկրում իրողություններն այլևս առաջվանը չեն: Ահա այս կոնտեքստում էլ ի հայտ են եկել որոշ մարգինալ ուժեր, ովքեր իրենց լատենտ գործելաոճով փորձում են ապակայունացնել դրությունը, ցեխ շպրտել մրցունակ քաղաքական ուժերի ուղղությամբ, այդկերպ տեղ ու դիրք ազատելով դաշտում՝ իրենց գործունեւթյունն իրականացնելու, գոյությունը պահպանելու և ապագա խորհրդարանում ներկայություն ունենալու համար:
Բնականաբար գործող, կենսունակ քաղաքական ուժերից միայն երկուսն են այդ առումով մրցակցային, քանի որ անգամ վերջին ավագանու ընտրությունները փաստեցին, որ դաշտում երկու քաղաքական միավոր կա՝ ԲՀԿ և ՔՊ:
Անկախ ամեն ինչից, անկախ անգամ վերջերս աղմուկ հանած օրինագծի ընդունումից, փաստ է, որ ոչ մի քաղաքան ուժ ունակ չէ գրավել ԲՀԿ-ի տեղն ու դերը հասարակության և պետության կյանքում, բազմաթիվ արգումներտներ հաշվի առնելով: Անգամ արհեստական տարանջատումները չեն կարող որևէ դերակատարություն ունենալ, կա մեկ այլ շատ ավելի կարևոր հանգամանք, որի հետ հաշվի չնստել հնարավոր չէ: Դա Գագիկ Ծառուկյանի ֆակտորն ու նրա իրականացրած գործունեությունն է հասարակաքաղաքական ոլորտում:
Տեսեք, ամեն ինչ շատ պարզ է, երբեք չի կարող տեղի ունենալ մի պրոցես, որ Ծառուկյանն ու նրա ղեկավարած քաղաքական ուժը չառաջնորդվեն ժողովրդի պահանջով: Դա տրամաբանական է անգամ, քանի որ բոլոր քաղաքական ուժերն էլ ԱԺ-ում հասարակության և պետության շահերը ներկայցնելու համար են: Եվ եթե ռետրոսպեկտիվ հայացք նետենք անցյալ, ապա միանգամից ակնհայտ է դառնում, որ Ծառուկյանն իր բնույթով և գործելաոճով, պետության և հասարակության շահը սեփականից վեհ դասող գործիչ է: Բազմաթիվ դեպքեր կարելի է նշել, երբ Ծառուկյանն իր յուրօրինակ մոտեցմամբ, մեծ ներդրում է ունեցել պետության զարգացման և հանրության կյանքն ավելի բարեկեցիկ դարձնելու գործում: Դրա մասին բոլորը գիտեն, սակայն խոսել այդ մասին, ոչ բոլորին է ձեռնտու:
Դիտարկենք հենց այդ աղմակահարույց օրինագիծը, որը փորձեցին շահարկել և կապել հակահեղափոխության հետ, որի մեջ փորձում էին ներքաշել նաև ԲՀԿ-ին: Սակայն Ծառուկյանն այդ կապակցությամբ հարցազրույցով հանդես եկավ, որում հստակ նշվեց նրանց դիրքորոշումը՝ ԲՀԿ-ն երբեք չի կատարի քայլ, որը դեմ է ժողովրդի շահին կամ դեմ է ժողովրդավարության սկզբունքներին: Ժամանակացույցն այս դեպքում կարևոր չէ ԲՀԿ-ի համար, կարևոր է Կառավարության ծրագրում կոնկրետ և նախատեսված փոփոխությունները, քանի որ միայն այդ դեպքում էր հնարավոր նախկինում եղած արատավոր երևույթներից ձերբազատվել: Սա է ողջ էությունը հարցի, կիրականացվի դա նոյեմբերին, դեկտեմբերին, թե մայիս-հունիս ամիսներին, մեծ հաշվով ԲՀԿ-ի համար տարբերություն չկա, նրանք միշտ էլ պատրաստ են եղել ցանկացած ընտրության, լինի դա արտահերթ կամ հերթական:
Մի բան հստակ է, որ անկախ տարատեսակ վայրահաչություններից, Գագիկ Ծառուկյանն ու նրա ղեկավարած քաղաքական ուժը, եղել է ու կլինի քաղաքական բուն գործընթացների առանցքային դերակատարներից մեկը: Հենց նրա ջանքերով են նաև, որ երկրում թե նախկինում, թե ներկա պահին, իրականացվում են դրական տեղաշարժեր, սկսած ներդրումներ ներգրավելու աննախադեպ գործընթացից, ավարտած նոր աշխատատեղր ստեղծելուց: Սրանք չափազանց նուրբ երանգներ են, որոնք փոխկապակցված են արտագաղթի տեմպերի նվազման, մարդկանց բարեկեցիկ կյանքի ապահովման, գործազրկության մակարդակի նվազեման և շատ այլ սոցիալական բնույթի հարցերի հետ: Իզուր չէ, որ ներկա դրությամբ Գագիկ Ծառուկյանը, նորանկախ Հայաստանի պատմության մեջ, քաղաքական դաշտում գործունեություն ծավալող ամենահմուտ և ամենաբազմափորձ գործիչներից է: Դա ուղղակի չի տրվում, ժողովրդի սերը, հարգանքն ու վստահությունը այո տարիների կերտվածք ունեն, ինչը ձեռքբերելը մի բան է, իսկ պահպանելը մեկ այլ, իսկ Ծառուկյանի դեպքում այն ձեռք է բերվել արված գործերի շնորհիվ և պահպանվել է անկեղծ ու սրտացավ վերաբերմունքի շնորհիվ առ սեփական ժողովուրդն ու պետությունը:
Վստահաբար կարելի է ասել, որ վերը նշվածը դա քաղաքական գործչի կարևորագույն հատկանիշներն են ու հենց այս նոտայի վրա էլ խորհուրդ ենք տալիս ժամանակից շուտ էքստազի մեջ ընկած քաղաքական միավորներին, երազների գիրկը չընկնել, ԲՀԿ-ն եղել է, կա ու կլինի դեռ երկար տարիներ ու ոչ մի նորաստեղծ կամ ներկայումս դաշտում գործող քաղաքական ուժ, իվիճակի չէ գրավել ԲՀԿ-ի տեղն ու դիրքը: