Մհեր Գրիգորյանը մասնակցել է ՀՀ կառավարության և քաղաքացիական հասարակության ներկայացուցիչների միջև կայացած քննարկմանը

Երևան, 02.Հոկտեմբեր.2018, 20:04

Որոնում
Հայերեն на Русском in English
ՔԱՂԱՔԱԿԱՆՄԻՋԱԶԳԱՅԻՆՀԱՍԱՐԱԿՈՒԹՅՈՒՆՏՆՏԵՍՈՒԹՅՈՒՆՎԵՐԼՈՒԾԱԿԱՆՄՇԱԿՈՒՅԹՍՊՈՐՏԲԼՈԳԼԱՅՖTV
19:26 Մհեր Գրիգորյանը մասնակցել է ՀՀ կառավարության և քաղաքացիական հասարակության ներկայացուցիչների միջև կայացած քննարկմանը 19:14 ՀՀ վարչապետը քաղաքացիներին Ազգային ժողովի մոտ հավաքվելու կոչ արեց 18:51 Կգումարվի ՀՀ ԱԺ արտահերթ նիստ 18:39 Հարուցվել է քրեական գործ՝ զինծառայողի մահվան դեպքի առթիվ 19:42 Ազգային ժողովն արտահերթ նիստ է անցկացնում. ՈւՂԻՂ
2 Հոկտեմբեր, 2018 19:26
Մհեր Գրիգորյանը մասնակցել է ՀՀ կառավարության և քաղաքացիական հասարակության ներկայացուցիչների միջև կայացած քննարկմանը

Հայաստանի Հանրապետության փոխվարչապետ Մհեր Գրիգորյանը մասնակցել է ՀՀ կառավարության և քաղաքացիական հասարակության կազմակերպությունների ներկայացուցիչների միջև արտաքին գործերի նախարարության կողմից կազմակերպված քննարկմանը:

Ինչպես տեղեկացրին ՀՀ փոխվարչապետ Մհեր Գրիգորյանի գրասենյակից, հանդիպման նպատակն էր անդրադառնալ ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) կիրարկման միջոցառումների ծրագրի՝ ճանապարհային քարտեզի կազմման գործընթացին, ինչպես նաև հոկտեմբերի 15-ին Լյուքսեմբուրգում կայանալիք ԱլԳ նախարարական հանդիպմանն ընդառաջ՝ հայաստանյան քաղհասարակությանը ներկայացնել օրակարգային հարցերը:

Քննարկման սկզբում բացման խոսքով հանդես է եկել արտաքին գործերի նախարարը, այնուհետև փոխվարչապետ Մհեր Գրիգորյանը ներկայացրել է ՀՀ-ԵՄ ՀԳԸՀ կիրարկման միջոցառումների կազմման գործընթացը՝ առանձնահատուկ կարևորելով այդ գործընթացում քաղհասարակության ներկայացուցիչների հետ պարբերական շփումներն ու մտքերի փոխանակումը:

Մհեր Գրիգորյանը Հայաստանի կենսական նշանակություն ունեցող ոլորտների զարգացման տեսանկյունից կարևոր է համարել համաձայնագրից բխող բարեփոխումների իրականացումը՝ դիտարկելով ՀԳԸՀ-ն որպես խարիսխ, որի շուրջ պետք է ձևավորվի բարեփոխումների օրակարգը: Փոխվարչապետն անդրադարձել է ՀՀ-ԵՄ ՀԸԳՀ և ՀՀ-ԵՄ Գործընկերության առաջնայնություններ փաստաթղթի կիրարկումն ապահովող միջոցառումները համակարգող միջգերատեսչական հանձնաժողովի աշխատանքներին և պատասխանել ներկաներին հետաքրքրող մի շարք հարցերի: