ՀՀ վարչապետը քաղաքացիներին Ազգային ժողովի մոտ հավաքվելու կոչ արեց
ՔաղաքականությունԱզգային ժողովի օրակարգ էր մտցվել և նախատեսվում էր քննարկել մի օրենսդրական նախաձեռնություն , որի նպատակը արտահերթ խորհրդարանական ընտրությունների անցկացումը կանխելն էր, ոչ միայն շուտափույթ, այլև միջնաժամկետ:
Այս մասին ֆեյսբուքյան իր էջում ուղիղ հեռարձակման միջոցով ասաց ՀՀ վարչապետ Նիկոլ Փաշինյանը՝ անդրադառնալով այսօր ԱԺ-ում «Ազգային ժողովի կանոնակարգ» Հայաստանի Հանրապետության սահմանադրական օրենքում փոփոխություն կատարելու մասին նախագծին:
«Այդ նախագծի ֆորմալ հեղինակը ՀՀԿ-ի մի պատգամավոր է, ում անունը չեմ ցանկանում տալ, և ուզում եմ մեզ բոլորիս խնդրել, որ այս քննարկումների կոնտեքստում չմոռանանք սիրո և համերաշխության մեր սկզբունքների մասին: Ներկայացվել էր մի նախագիծ, որի նպատակն արտահերթ խորհրդարանական ընտրությունները կանխելն է: Նախագծի իմաստն այն էր, որ եթե ԱԺ նիստը տեղի չի ունենում, օրինակ, ԱԺ-ը ժողովրդի կողմից շրջափակվելու հետևանքով, ապա կարող է նիստը ընդհատվել:
Այսինքն՝ եթե նիստը ընդհատվում է և դրանից անցնում է մի շաբաթ կամ վեց ամիս, այդ վեց ամսից հետո կհամարվի, որ այդ նիստը պետք է շարունակվի»,- ասաց վարչապետը:
Թե ինչ կապ ունի նախագիծը հակահեղափոխության հետ, ապա Փաշինյանի խոսքով՝ խնդիրն այն է, որ այն ուժերը, որոնք կողմ են այս նախագծին և պատրաստվում էին կողմ քվեարկել, իրենք իրենց բացահայտում են որպես հակահեղափոխական ուժ:
«Եվ ուզում եմ հստակ հայտարարել, որ իմ ըմբռնումը միանշանակ է, բոլոր նրանք, ովքեր որևէ ձևով կողմ կքվեարկեն այս նախագծին, նրանք քաղաքական պատերազմ են հայտարարում ժողովրդին: Ես հեռախոսազրույց ունեցա ԱԺ նախագահ Արա Բաբլոյանի հետ և «ՀՀԿ» խմբակցության ղեկավար Վահրամ Բաղդասարյանի հետ և նրանց ասացի, որ եթե հիմա այդ քվեարկությունն առնվազն չհետաձգվի՝ ես ստիպված կլինեմ ուղերձով դիմել ժողովրդին և աջակցություն խնդրել: Ես ուրախ եմ, որ բանականությունը հաղթեց, և այս նախագիծն այսօր ցերեկը չդրվեց քվեարկության»,- ասաց Փաշինյանը:
Նա նաև հայտնեց, որ բացի դրանից, այցելել է նաև Ազգային ժողով, հանդիպել է Վահրամ Բաղդասարյանի և Արա Բաբլոյանի հետ և ասել, որ այս քայլն ինքը համարում է մեր նախաձեռնած բանակցային գործընթացը խաթարող քայլ, և այդ քայլով ի ցույց է դրվում ՀՀ-ում հակահեղափոխական ուժերի, քաղաքական գործիչների ու պատգամավորների շրջանակը:
«Ես ակնկալում եմ հետևյալը. ես կոչ եմ արել «ՀՀԿ» խմբակցության ղեկավարին, որ նա միջոցներ ձեռնարկի, որ այդ նախագիծն ընդհանրապես շրջանառությունից հանվի, և երաշխիքներ ստեղծվեն, որ այդ նախագիծը չի ընդունվի, ես կոչ եմ անում չգնալ ներքաղաքական իրավիճակը սրելուն»,- ասաց Փաշինյանը:
1
2
3
4
5
1
2
3
5
2
5
