«Ազգը հարատևում է իր պատմությամբ»: Գագիկ Ծառուկյանը Մեծ լոռեցու՝ Հովհաննես Թումանյանի 150-ամյակի միջոցառումները կպահի անմիջական ուշադրության կենտրոնում

Մանե Առաքելյանը ֆեյսբուքյան իր էջում գրում է.

2019թ. փետրվարի 19-ին կլրանա Ամենայն հայոց բանաստեղծ Հովհաննես Թումանյանի 150 ամյակը: Իր բնաշխարհի ողջ պարզությունն ու վեհությունը իր մեջ կրող բանաստեղծը վստահաբար հայ ժողովրդի անմահ զավակներից է: Այս փաստը, սակայն, չի խանգարում, որ մեծ լոռեցու 150 ամյակը նրա իսկ դսեղյան տուն-թանգարանը դիմավորի բազմաթիվ խնդիրներով: Բարեբախտաբար այս հարցն իր անմիջական ուշադրության տակ է առել Գագիկ Ծառուկյանը, ով այցելելով Դսեղ՝ խոստացել է հարկավոր ամեն ինչ ապահովել հոբելյանը պատշաճ դիմավորելու համար: Ընդամենը 2 տարի առաջ էլ Թումանյանի թիֆլիսյան տունը՝ Վերնատունն էր կորստի առջև կանգնել: Քաջածանոթ լինելով Ծառուկյանի գործունեությանը՝ վստահաբար կարելի է փաստել, որ այլևս երբեք Թումանյանի թողած անհատնում ժառանգությունը կորստի առջև չի կանգնի:
Գագիկ Ծառուկյանը հանձն առավ լուծել նաև ՅՈՒՆԵՍԿՕ-ի համաշխարհային ժառանգության մասը կազմող Հաղպատի վանական համալիրի մի շարք խնդիրներ:
Այս հարցում տալ ավելի երախտապարտ գնահատական, քան Գուգարքի թեմի առաջնորդ Տեր Սեպուհ արքեպիսկոպոս Չուլջյանինն է, հնարավոր չէ. «Դուք Ձեր կյանքով և գործով միշտ ծառայել եք մեր պետությանը, և այդ ծառայությունն ավելի քան ակնհայտ է: Դուք եկեղեցաշեն անձնավորություն եք»:
Սպորտը ևս հասկանալի պատճառներով չէր կարող վրիպել Գագիկ Ծառուկյանի ուշադրությունից: Ինչպես հենց նա նշեց, Հայաստանում գյուղերի 80%-ը պարզապես չունի սպորտդպրոցներ: Քանի-քանի ապագա հանրահայտ մարզիկներ ենք մենք կորցնում միայն այս պատճառով: Ուստի շատ մոտ ապագայում Գագիկ Ծառուկյանի շնորհիվ Դսեղը կունենա իր սպորտդպրոցը, և մենք բոլորս դեռ շատ ենք հպարտանալու ոչ միայն դսեղցի Հովհաննես Թումանյանով, այլ դսեղցի աշխարհի չեմպիոն մարզիկներով: