Էպատաժային Շպռոտն ու 2000-ականների ռաբիսի ամենակարկառուն դեմք Տիգրան Ժամկոչյանը «Ուր որ գնաս» երգին նոր հնչողություն են տվել
Life
Ուր որ գնաս, հետդ կգամ,
Հենց որ կանչես, մոտդ կգամ,
Մոտդ կգամ, մոտդ կգամ,
Հետդ կգամ, հետդ կգամ….
Հիշում եք, չէ՞, որ 2000-ականների ռաբիսի ամենակարկառուն դեմք Տիգրան Ժամկոչյանի այս երգը հնչում էր ամենուրք՝ փողոցում, մեքենաների մեջ, ամենաուրախ խնջույքների ժամանակ և այլն: Այն անգիր գիտեին իրենց հարգող բոլոր «քուչի տղերքը»: Պարզվում է՝ տարիներ անց էլ երգը ոչ միայն չի կորցրել իր արդիականությունն ու հետաքրքրությունը, այլև շուտով նոր հնչողություն է ստանալու. ամենահամարձակ ու էպատաժային երգչուհիներից Շպռոտը որոշել է նոր շնչառություն տալ երգին: Ամերիկաբնակ երգչուհին ստեղծագործական նորության մանրամասներն առաջինը վստահել է BlogNews.am-ին ու տրամադրել լուսանկարներ նկարահանման ընթացքից:
«Այս շրջանում աշխատում եմ նոր տեսահոլովակի վրա, որը ներկայացնլու եմ Lazzaro-ի և Տիգրան Ժամկոչյանի հետ վերջինիս «Ուր որ գնաս» երգի հիման վրա: Տիգրանին բոլորս էլ կարոտել էինք: Վերջին շրջանում շատ արտիստներ են փորձել այս երգը թարմացնել, սակայն այն տարբերակը, որը մենք ենք ներկայացնելու, օրիգինալ է հենց միայն երգիչ-կատարողի մասնակցությամբ»:
Շպռոտի խոսքով՝ Տիգրանը միանգամից է համաձայնվել համագործակցության առաջարկին. «Ես զանգահարեցի նրան, և Lazzaro-ի գնացինք հանդիպման: Նա շատ հեշտությամբ համաձայնվեց: Շատ համեստ ու բարի մարդ է Տիգրանը: Նրա հետ զրուցելը մեծ բավականություն է, էլ չեմ ասում նրա սուր հումորի զգացողության մասին»,- նշում է երգչուհին ու հավելում, որ մտավախություն չունի, որ ժամանակին մեծ տարածում ձեռք բերած երգն իր մեկնաբությամբ կարող է չսիրվել. «Ի դեպ, ասեմ, որ այս երգը շատ է սիրում նաև մեր վարչապետը: Համոզված եմ, որ այն կարճ ժամանակում կսիրվի նաև իմ մեկնաբանությամբ»:
Շպռոտն ինտրիգային մանրամասներ չի հայտնում՝ ինչ կերպարով է այս անգամ զարմացելու հանդիսատեսին. «Միայն կասեմ, որ հետաքրքիր, շպռոտական հոլովակ է լինելու: Տեսահոլովակում կտեսնեք նաև ֆրանսահայ հայտնի սպորտսմեն և մոդել Ոսկան Դանիելյանին: Նրան հատուկ հրավիրել ենք Ֆրանսիայից»:
Տեսահոլովակի նկարահանումներն ավարտված են: Այս պահին այն մոնտաժային փուլում է: Պրեմիերան սպասվում է սեպտեմբերի կեսերին. «Երգը երբ պատրաստ էր, արդեն սկսեցինք մտածել տեսահոլովակի մասին: Այն նկարահանվել է Լոս Անջելեսում՝ իմ ընկերներից մեկի շեքղ առանձնատանը: Նկարահանումները մեկ օրում ենք արել: Աշխատել է տաղանդավոր օպերատոր Գևորգ Սարգսյանը, ով նաև աշխատում է հոլիվուդյան շատ լուրջ ֆիլմերում»,- ասում է Շպռոտն ու ավելացնում, որ իր վերջին տեսահոլովակները ֆինանսի տեսանկյունից ոչ միայն շատ թանկ են, այլև շատ որակյալ:
Երգչուհուց հետաքրքրվեցինք՝ արդյո՞ք կարող ենք ենթադրել, որ այս տեսահոլովակով ազդարարվում է ակտիվ վերադարձ շոու-բիզնես. «Չի կարելի ասել, որ սկսել եմ ակտիվ գործունեություն ծավալել երգարվեստում, բայց տարին գոնե մեկ անգամ հասցնում եմ տեսահոլովակով ներկայանալ»,- եզրափակեց Շպռոտը:
1
2
3
4
5
2
3
4
5
2
5
