ՇՏԱՊ․ Ինչպե՞ս գտնել և ջնջել այն ամենը, ինչ Google-ին հայտնի է ձեր մասին. ազատվում ենք մեծն լրտեսից

Ազատվում ենք մեր հեռախոսների մեջ թաքնված լրտեսներից։

Եթե ձեր սմարթֆոնում կան Google հավելվածներ, դա նշանակում է, որ որոնողական գիգանտը մշտապես հետևում է ձեր տեղաշարժերին, նույնիսկ եթե անջատել եք GPS-ը։

Սա հայտնաբերվել է անվտանգության դաշտի միանգամից մի քանի հետազոտողների կողմից՝ այն բանից հետո, երբ նրանց եկել են հաղորդագրություններ՝ խնդրելու գնահատել վայրերը, որտեղ նրանք եղել են ավելի շուտ։ Դուք ինքներդ էլ հավանաբար ստացած կլինեք նման ծանուցումներ։

Այն բանում, որ Google-ը հավաքում է անձնական տեղեկություններ և ըստ այդ տեղեկությունների առաջարկում լրացուցիչ ծառայություններ, ոչ մի սարսափելի բան չկա։ Դա պարզապես ինֆորմացիայի փոխանակում է, որից երկու կողմերը շահույթ են ստանում, սակայն խնդիրն այն է, որ տվյալ դեպքում օգտատերերը դիտմամբ անջատել են գեոլոկացիան, որպեսզի Google-ի հետ չկիսվեն իրենց գտնվելու վայրերով, միայն թե ընկերությունը շարունակել է նրանց հետևել։ Սա արդար գործարք չէ։

Պարզվում է՝ պարամետրերի բաժնում հետևելու արգելքը չի անջատում գտնվելու վայրերի պատմության արձանագրումը։ Իրականում, դուք դեռ պետք է մտնեք ձեր էջի պարամետրերի մեջ և անջատեք «Գործողությունների հետևում» բաժնի բոլոր կետերը։ Դա կարելի է անել ինչպես վեբ-ինտերֆեյսի միջոցով, այնպես էլ հեռախոսի Google հավելվածի պարամետրերով («Settings»→«Google»→«Account Google»→«Data and Personalization»).

Իսկ եթե դեռ վստահ չեք՝ անե՞լ դա, թե՞ ոչ, ուրեմն՝ նայեք արդեն հավաքված տվյալները ձեր մասին։ Դրա համար պետք է «Տվյալներ և անհատականացում» բաժնից ընտրել «Պատմության կառավարում» լինքը։ Այստեղ կտեսնեք թե՛ համացանցում, թե՛ իրական կյանքում ձեր այցելած վայրերը, այցելած կայքերը և հավելվածները, որոնողական պատմությունը և այլն, մի խոսքով՝ ձեր ամբողջ կյանքի պատմությունը։

Ցանկացած գրառում կարող եք ջնջել այդ ցանկից։