«Մանթրաշ ենք ու գազազած»․ գյուղացիներն սպառնում են
ՏնտեսությունԱրմավիրի մարզում անասնապահությամբ զբաղվող գյուղացիները խնդրի առաջ են կանգնել։ Տարիներ շարունակ սուպերմարկետների հետ աշխատելով փոխշահավետ պայմաններով, այժմ անելանելի դրության մեջ են՝ մսի իրացման խնդիր է առաջ եկել։ Առաջին լրատվականը Արմավիրի մարզի Սարդարապատ գյուղում հենց տեղում ծանոթացավ իրավիճակին և գյուղացիների բողոքներին։
Առաջին լրատվականի հետ զրույցում հավաքված գյուղացիները նշեցին, որ տարիներ շարունակ իրենք սուպերմարկետներին որակով միս են վաճառել, որևէ խնդիր չի եղել, իսկ հիմա սուպերմարկետները 20 տոկոս ԱԱՀ են վճարելու պետությանն, ինչը հանգեցնելու է մսի թանկացմանը։
Հեղափոխոթյունից հետո, մսավաճառների պնդմամբ, այս խնդիրն առաջացել է։ Իրենց անասունները գոմերում կապած են, մորթի ենթակա, շոգ է, հնարավոր չէ երկար պահել, քաշ են գցում, ինչը գյուղացու համար մեծ վնաս է։ Օրական 1500-2000 դրամ ծախսվում է մեկ գլուխ անասունի համար։
Գյուղացիները նախորդ շաբաթ Կառավարության մոտ էին՝ նույն պահանջով։ Իրենք պահանջում են հարցին լուծում տալ և իրենց չզրկել ապրուստի միակ միջոցից, գոնե գոմերում մորթի ենթակա անասուններին կարողանան իրացնել, հետո անասնուն չեն պահի, վստահեցնում են։ Նրանք ասում են, որ եթե նման կերպ շարունակվի իրենք կգնան Հայաստանից, քանի որ այսպես ապրելն անհնար է։
Իրենց հետագա քայլերի մասով գյուղացիները շեշտեցին՝ իմաստ չունի Կառավարության մոտ բողոքի ակցիաներ իրականացնել, իրենք, եթե հարցը չլուծվի, մարզային ճանապարհներն են փակելու։
1
2
3
4
5
1
2
3
4
5
1
3
4
5
