«Բեկումնային փուլում եմ»․ Ժաննա Բուտուլյանն անկեղծացել է

Բլից հարցազրույցների շարքում Tert.am Life–ն այս անգամ զրուցել է դերասանուհի Ժաննա Բուտուլյանի հետ` տարբեր հարցերի միջոցով փորձելով բացահայտել նրա առօրյան և պատկերացումները կյանքի ընկերության, սիրո մասին։

Ամեն առավոտյան ես արթնանում եմ։)

Մի բաժակ սուրճ խմելիս ես, անպայման, շնորհակալություն  եմ հայտնում Աստծուն, որ արթնացել եմ։

Կինը ոճային է, երբ այնպիսին է, ինչպիսին կա։

Կինը տհաճ է դառնում, երբ չար է լինում։

Գեղեցկուհի լինելու առավելությունը... դա առավելություն չէ։

Գեղեցկուհի լինելու թերությունը… դժվարանում եմ պատասխանել, քանի որ գեղեցկության հետ ոչինչ չեմ կապում։

«Դաքֆեյսը» զզվելի է։

Սոցցանցերում ակտիվ եմ, որովհետև հետաքրքիր է, սիրում եմ։

Ատում եմ, երբ ինձ թելադրում են։

Ես լավ տրամադրություն ունեմ, երբ շրջապատված եմ սիրելի մարդկանցով։

Տրամադրությունս կարող է փչանալ, երբ օտար միջավայրում եմ։

Լավ սովորություն ունեմ` համբերատար եմ։

Վատ սովորություն ունեմ, երբեմն, անուշադիր եմ։

Ապրելու լավագույն կանոնն է սիրելը։

Ամենամոտ ընկերս Լուսինեն է, որի հետ ընկերություն ենք անում մանկությունից։

Ընկերության մեջ ամենակարևորը վստահությունն է։

Սիրում ես, նշանակում է մարդուն ընդունում ես այնպիսին, ինչպիսին կա։

Ամուսնությունը պիտի լինի սիրելով։

Կյանքիս բեկումնային փուլը հիմա է։

Կարծրատիպերը փչացնում են կյանքը։

Աշխատանքը կյանքի կարևորագույն բաղադրիչներից է։

Ես «գերազանցիկ» չեմ, և դա ազատություն է։

Սիրում եմ մարդկանց, որոնք իմ մեջ զգացմունքներ են արթնացնում։

Նյարդայնանում եմ, որ ուշ եմ նյարդայնանում։ Դա շատ է խանգարում։

Ժաննայի բնորոշիչներն են` էմոցիոնալ, միաժամանակ, հավասարակշռված, փոփոխական, միաժամանակ հավատարիմ լինելը։

Երբեք չեմ դավաճանում այն սկզբունքին, որ չդավաճանեմ։

Փոշմանել եմ, որ... չեմ փոշմանել։

Երբեք չեմ հրաժարվի արդար լինել։

Հիասթափվում եմ, չարաշահում են վերաբերմունքս։

Միանգամից ժպտում եմ, երբ նկատում եմ հրաշքի գոյությունը, իսկ դա հաճախ է լինում։

Ամենավատ հուշ դարձել է լավ հուշ։

Ամենալավ հուշս... հուշերով չեմ ապրում։

Մարդկային փոխհարաբերություններում ամենակարևորը փոխադարձությունն է։

Ամենամեծ երազանքս... կարծում եմ` չի իրականանա։

Մանկական չիրականացած երազանքս է... բոլոր երազանքներս իրականացել են ու այսքանից հետո անշնորհակալի պես չեմ հավատում, որ ներկայիս երազանքս կիրականանա։

Կյանքիս ամենամեծ նվերը… հարազատներս են։