Օսիպյանին պետք է հիշեցնենք իր եղբորորդու գործը պարտակելու մասին

Մինաս Պողոսյանը ֆեյսբուքյան իր էջում գրում է.

Նոր Հայաստանի ու նոր փոփոխությունների մասին խոսում են բոլորը, ապագայի խոստումներն ու ծրագրերը այնքան են ոգևորել մարդկանց, որ նրանք վստահում են վարչապետ Փաշինյանի կողմից նշանակված յուրաքանչյուր պաշտոնյայի՝ մոռանալով, որ կան պաշտոնյաներ, որոնց ժառանգել ենք նախկին իշխանությունից։ Անիրականի ժանրից է նաև այն, որ մի քանի օրում կարող են փոխվել այդ պաշտոնյաների գաղափարները։

Վերջին օրերին մամուլ շրջանառվող լուրերը՝ կապված Գագիկ Ծառուկյանի օգնականի հետ, հերքվեցին։ Ներկայացված ապացույցները ավելի քան համոզիչ էին, բայց արի ու տես, որ ոստիկանապետ Վալերի Օսիպյանի համար դրանք համոզիչ չեն, ավելին՝ նա քմծիծաղով է վերաբերվում այդ հարցին, նշելով, որ սայթաքելով հնարավոր չէ ստանալ սալջարդ։ Այստեղ հարց է ծագում՝ հնարավո՞ր է սայթակելու արդյունքում մարդը կորցնի փայծաղը։ Ցանկացած գիտակից մարդ կհասկանա, որ ոչ: Բայց Օսիպյանը կարծում է, որ այո, հնարավոր է «սայթաքելու» արդյունքում կորցնել փայծաղը, քանի որ դա վերաբերում էր այն տղային, ում դանակահարել էր Օսիպյանի եղբորորդին՝ Սեդրակ Օսիպյանը և ում հանդեպ հարուցված քրեական գործը փակվեց Օսիպյանի միջնորդությամբ։

Հարց է ծագում՝ նոր Հայաստանի փոփոխությունները ջնջե՞լ են Օսիպյանի հիշողությունը, նա ով այսօր քմծիծաղ է տալիս սայթաքելով վնասվածք ստանալու վրա, մոռացե՞լ է, թե ինչպես ժամանակին իր եղբորորդու շնորհիվ մի երիտասարդ «սայթաքեց» ու կորցրեց փայծաղը: Եթե Օսիպյանը այս մասին չի հիշում, մենք ստիպված ենք նրան պարբերաբար հիշեցնել երղբորորդու գործը պարտակելու մասին:

Անհերքելի փաստերը վկայում են նաև, Օսիպյանը նոր Հայաստանի գաղափարախոսությունից հեռու է։ Միգուցե վաղուց չէիք լսել հետևյալ արտահայտությունը, բայց այն այս պահին ձեզ շատ է պետք. «Պարո՛ն Օսիպյան, սթափվե՛ք»։