Ժամանակն է ճշմարտությունը տեսնելու, «փրփուրներից չկախվելու» ու Բաբայանին ազատ արձակելու

Լենա Ավետիսյանը ֆեյսբուքյան իր էջում գրում է.

Երեկ ամբողջ օրվա ընթացքում համացանցը թնդում էր ՀԱՕԿ նախագահի օգնականի ձերբակալման մասին նյութերով։ Բոլոր հայտնի ու անհայտ թերթերը, ֆեյսբուքյան օգտատերերը գրեցին, խոսեցին ու քննարկեցին այդ լուրը, անգործության մատնվածները՝ նույնիսկ, Գագիկ Ծառուկյանի անունը անտեղի շահարկեցին։ Իսկ լրատվական կայքերից մեկն էլ չափն անցնելով՝ ռեկորդ սահմանեց, ու խոսեց ընտրություններում ԲՀԿ-ի շանսերի փոքրացման, ու <<50+1>> ձայն չհավաքելու մասին։ Նման լրատվականների հոդվածները կարդալով տպավորություն է ստացվում, որ Վանգաի <<մատն է խառը>>, քանի որ նման կանխատեսումները <<մոգական>> են թվում։

Ի վերջո, առանց իրավական հիմք ունենալու և առանց փորձաքննության Է․ Բաբայանի ձերբակալությունը չի համապատասխանում հեղափոխության քարոզչությանը, և վերջապես՝ ձերբակալվել է մի մարդ, ով քաղաքականության հետ, ոչ մի կապ չունի, բայց շատերը առիթը բաց չթողեցին այս հարցը քաղաքական դաշտ տեղափոխելու համար։ Գուցե՞ սա դիտավորություն է։ <<Կեխտոտ խաղ>> է սկսվե՞լ։ Քաղաքական ուժերը, օգտագործելով լրատվությունը փորձում են փոքրացնել ԲՀԿ-ի շանսերը։ Միթե՞ սա չի նշանակում, որ որոշ քաղաքական ուժեր Գագիկ Ծառուկյանի առաջնորդած թիմի մեջ հաղթող ուժ են տեսնում, ու մրցակցությունից վախենալով, խուսափելով՝ փորձում են վարկաբեկել ԲՀԿ-ին։

Բազմիցս նշվել է, որ Հարությունովը, ինչպես նաև նրա կինը շատ լավ հարաբերությունների մեջ են Ծառուկյանի հետ, ոչ մի հակասություն չկա նրանց միջև։ Ժամանակն է ճշմարտությունը տեսնելու, <<փրփուրներից չկախվելու>>, ու Բաբայանին ազատ արձակելու։