Անբարոյականության մեխանիկան գործի են դնում քաղաքական դիվիդենտներ շահելու համար

Շահանե Անտոնյանը ֆեյսբուքյան իր էջում գրում է.

Զազրելի է, երբ ապատեղեկատվության հաշվին ինքնահաստատվող որոշ լրատվական կայքեր ու ֆեյսբուքյան ինքնահռչակ որոշ էջեր շարունակում են զրպարտանքի լուրեր տարածել՝ հանրությանը ներկայացնելով բացահայտ կեղծ տեղեկատվություններ:

Բայց առավել անընդունելի է, երբ քաղաքական նկատառումներով շահարկվում են այնպիսի երևույթներ, որոնք բացառապես գտնվում են բարոյական հարթության մեջ ու մնում է կա՛մ ստոր լինել, կա՛մ անբարոյական, որպեսզի վերոնշյալ նկատառումներով շրջանառման մեջ դնես անձնականի ու վշտի հետ կապվող երևույթները:

Այս առումով ավելի խոսուն դեպք, քան Գագիկ Ծառուկյանի՝ Սյունիք կատարած այցի և դրա շուրջ արվող մեկնաբանություններն էին, որոնց միացան նաև մի շարք հնաբնակ պատվեր իրականացնողներ, անհնար է նշել:
Եվ այսպես՝ ԲՀԿ առաջնորդ Գագիկ Ծառուկյանն օրերս այցելել էր Սյունիքի մարզ: Այցի նպատակը Մերուժան Սիմոնյանի հոր մահվան տարելիցնին ներկա գտնվելն էր: Այս այցը, սակայն, որոշ էջեր և կայքեր փորձեցին ներկայացնել բոլորովին այլ լույսի ներքո՝ ակնհայտ քաղաքական նպատակներով, որի հիմնական ասելիքը այն էր, իբր Ծառուկյանը ոչ պատշաճ վերաբերմունք է ցուցաբերել Սյունիքի նորանշանակ մազրպետի նկատմամբ: Ի պատասխան կեղծիքով ողողված այս բոլոր լուրերին՝ պարզապես մի քանի նկատառում անենք:
Նախ՝ սա ոչ պաշտոնական այց էր` Մերժուն Սիմոնյանի վիշտը հարգելու և հիշատակի տարելիցին նրա կողքին գտնվելու համար. և հետևաբար այն բոլոր հիմար խոսակցությունները, թե պետք է քաղաքական ուժի առաջնորդին հենց մարզպետը դիմավորեր, մեղմ, ասած տեղին չէ: 
Հետո՝ այնպիսի երևույթը, ինչի կապակցությամբ Ծառուկյանը գտնվում էր Սյունքիում, քաղաքական դիվիդենտներ շահելու համար կիրարկելը, վերին աստիճանի անբարոյականություն է: Եվ ի վերջո՝ ԲՀԿ-ում ներքին հակասությունների առկայության իմիտացիա ստեղծելու համար սրանք բավականին էժանագին քայլեր են, և նրանց բոլոր ջանքերը ցույց տալու, թե կուսակցություն առաջնորդն արհամարհում է իր իսկ կուսակցություն անդամ համարվող մարզպետին, ուղղակի տապալման են դատապարտված: Շատերին, անշուշտ, հանգիստ չի տալիս ԲՀԿ-ում տիրող համերաշխ մթնոլորտը, բայց այսպիսի «հակաքարոզչությունը» և այս աստիճան անբարոյականությունն անհնար է պատկերացնել՝ ոչ սկզբունք, ոչ արժեք, ոչ գաղափար...