Երկուշաբթիից «Արմենիա պրեմիումի» եթերում մեկնարկած «Թունավոր սեր» հեռուստասերիալի գլխավոր հերոսուհուն մարմնավորում է երիտասարդ դերասանուհի Էմմա Սապունջյանը, ում հեռուստադիտողը ծանոթ է մի քանի նախագծերից: Դերասանուհին նախկինում մշտապես երկրորդական կերպարներ է մարմնավորել, սա նրա դեբյուտն է՝ որպես գլխավոր հերոսուհի: Life.panorama.am-ի հետ զրույցում Էմման պատմել է առաջին պատասխանատու աշխատանքի, ինչպես նաեւ «Թունավոր սեր» հեռուստասերիալում սպասվող զարգացումների մասին:
«Ես երբեք չեմ ընկել գլխավոր դերասանուհու դերը ստանալու հետեւից: Նույնիսկ եղել են դեպքեր, երբ իմացել եմ, որ այս կամ այն քասթինգը գլխավոր դերասանուհու համար է, եւ չեմ մասնակցե. երեւի վախեցել եմ, որովհետեւ, կարծում եմ, որ շատ մեծ պատասխանատվություն է ստանձնել այդ դերը: Բայց այս անգամ, քանի որ Հարութ Շատյանը վստահեց ինձ այդ դերը եւ իր հետ էլ մեծ համագործակցության փորձ կար, այդ վախը հիսուն տոկոսով կրճատվեց. սա իմ երրորդ համագործակցությունն է նույն խմբի հետ»,- նշեց նա:
Էմմայի խոսքով՝ առաջարկը ստանալիս՝ առաջինը կենտրոնացել է հերոսուհու տեսակի վրա.
«Ամենառաջինը, որ ինձ դուր եկավ, դա կերպարի տարբերությունն էր իմ խաղացած մյուս բոլոր կերպարներից: Ինձ հետաքրքիր էր խաղալ խելոք, բարի համեստ աղջկա կերպար: Բայց պետք է ասեմ, որ երեկ, երբ առաջին սերիան դիտեցի, նկատեցի, որ իմ «մուննաթ» տոնն արտահայտվում է, պետք է մի քիչ քչացնել, աշխատել ինձ վրա, այդ առումով մի քիչ դժգոհ եմ ինձանից: Իրական կյանքում էլ խոսքումս «մուննաթը» ես շատ ժամանակ չեմ նկատում, բայց արտահայտվում է եւ ինձ հաճախ են ասում «մուննաթ» տոնդ փոխի»,- նշեց նա ու շարունակեց.
«Ասեմ, որ իմ հերոսուհին բարի, համեստ, խելոք աղջիկ է, ով ամեն կերպ փորձում է իր ծնողներին հանել կենցաղային վատ պայմաններից՝ ապահովելով նորմալ, բարեկեցիկ կյանք: Բայց տեղի է ունենում սպանություն եւ իրադարձությունները սկսում են իր շուրջ զարգանալ: Իհարկե, չակերտներ բացել չեմ կարող, բայց վստահեցնում եմ՝ սերիալը հետաքրքիր ավարտ է ունենալու, հանդիսատեսը չի ձանձրանա, ստանտարդ հանգուցալուծում չի լինի»:
Դերասանական կազմի հետ համագործակցությունը, Էմմայի խոսքով անխոչընդոտ է անցել.
«Կազմն ուղղակի հիանալի էր, նրանք բոլորը պրոֆեսիոնալ են, բոլորին հասցրեցի սիրել»:
Հարցին, թե այսուհետ վախը հաղթահարվա՞ծ է, կմանակցի՞ գլխավոր դերասանուհու կերպարների համար քասթինգներին, նա խոստովանեց, որ միեւնույն է կվախենա, բայց նաեւ նկատեց.
«Ես կփորձեմ, եթե անգամ չստացի: Ես իմ կայացրած որոշումներում շատ վստահ եմ, հակառակում ինձ որեւէ մեկը չի կարող համոզել»:
«Թունավոր սեր» հեռուստասերիալը բաղկացած է 25 մասից: Դերասանուհու խոսքով՝ նախընտրում է կարճատեւ նախագծերում խաղալ, որոնցում սկիզբն ու ավարտը հայտնի են նկարահանումների առաջին իսկ օրից:
«Ես երբեք չեմ ասի, որ չեմ նկարվի բազմասերիանոց սերիալներում, բայց երբ առաջարկ եմ ստանում, ասենք 25 մասանի հեռուստանախագծում նկարահանվելու, դա ուրախացնում է ինձ, քանի որ դերասանի համար կարեւոր է, երբ կարդում է ողջ սցենարը: Ես չեմ վատաբանում բազմասերիանոց սերիալները, բայց այդ դեպքում դու չես կարողանում կենտրոնանալ կերպարիդ վրա, իսկ կարճամետրաժի դեպքում ամեն բան հաշվարկված է»,- հավելեց Էմմա Սապունջյանը:
1
2
3
4
5
3
4
5
2
4
5
