«Սամասուդ» չպետք է լինի․ վարչապետի հայտարարության հետքերով

1in.am | Նախօրեին վարչապետ Նիկոլ Փաշինյանի գլխավորությամբ իրավապահ համակարգի ներկայացուցիչների հետ խորհրդակցություն է տեղի ունեցել, որի ընթացքում, ի թիվս շատ հարցերի, քննարկվել է նաև կոռուպցիայի դեմ պայքարի համատեքստում մարդու իրավունքների պաշտպանության, օրինականության պահպանության հարցը։

«Այսօր, կարծում եմ՝ Հայաստանում կոռուպցիայի դեմ պայքարն ամենաշատ քննարկվող թեման է և այդ ուղղությամբ լուրջ ակտիվություն կա իրավապահ մարմինների ու կառավարության կողմից: Դա բնական է, որովհետև կոռուպցիայի դեմ պայքարը հայտարարել ենք կառավարության կարևոր առաջնահերթություններից մեկը: Այս գործընթացի համատեքստում պետք է շատ խստորեն հետևել օրինականությանը, մարդու իրավունքների պաշտպանությանը, մարդու իրավունքները հարգելուն, որպեսզի իրավապահ մարմինների գործողությունների հետ կապված որևէ այլ մեկնաբանություն չլինի»,- ասել է Նիկոլ Փաշինյանը։

Արդյո՞ք վարչապետի հայտարարությունը տեղիք է տալիս մտածելու, որ մինչ այս տեղի ունեցած բացահայտումները, ձերբակալությունները, խուզարկությունները իրենց մեջ պարունակել են մարդու իրավունքների ոտնահարման տարրեր, թե՞ ոչ։ Իրավապաշտպան Զարուհի Հովհաննիսյանը կարծում է՝ առաջ բազմաթիվ են եղել դեպքերը, երբ մարդու իրավունքները ոտնահարվել են, անմեղության կանխավարկածը հաշվի չի առնվել, ձերբակալված մարդուն միանգամից հռչակել են հանցագործ՝ առանց դատարանի վճռի, հանրային նախատրամադրված կարծիք է ձևավորվում, ոստիկանների գործողություններում են եղել իրավունքների կոպտագույն խախտումներ և այլն։ «Այդ հարցերը մեր շրջանում շատ է քննարկվել և քննադատվել նաև, որ մարդուն ամբողջովին դիտարկում են որպես հանցագործ։ Ես կարծում եմ՝ այդ երևույթներն են նախանշան եղել, որպեսզի վարչապետը նման հայտարարություն անի։ Հայտարարությունն իրապես շատ տեղին է ու ճիշտ»,- տեսակետ հայտնեց իրավապաշտպանը։

մանրամասն՝ կայքում