Հնդկաստանի դեսպանի հետ քննարկվել է ապրանքաշրջանառության ծավալների մեծացմանը հարցը

Լիլիթ Պողոսյանը ֆեյսբուքյան իր էջում գրում է.

ԲՀԿ նախագահ Գագիկ Ծառուկյանն հանդիպել է Հնդկաստանի արտակարգ և լիազոր դեսպան Յոգեշվար Սանգվանիի հետ։ Նորանշանակ Սանգվինին և ԲՀԿ նախագահը քննարկեցին մի շարք հարցեր, որոնց նպատակն է հայ-հնդկական բարեկամական հարաբերությունների ամրապնդումը և զարգացումը։ Դեսպանը բարձր գնահատեց ԲՀԿ նախագահի՝ մի շարք ոլորտներում գրանցած հաջողությունները, որոնք ներդրվել են ի նպաստ Հայաստանի զարգացմանը։

Հայաստանյան նոր իրողության պայմաններում դեսպանը հայ-հնդկական հարաբերությունների զարգազման նոր հեռանկարներ է տեսնում, որոնց իրագործման համար ծրագրերի կազմումը չի ուշանա։

Իսկ Գագիկ Ծառուկյանը իր հերթին նշեց, որ հայ-հնդկական հարաբերությունները կարող են զարգանալ ամենատարբեր ոլորտներում, սկսած զբոսաշրջությունից մինչև հանքարդյունաբերական ոլորտ։ Ընդգծելով, որ երկու բարեկամ երկրների հարաբերությունները մշտապես իր ուշադրության կենտրոնում են եղել և նախորդ տարիներին պաշտոնավարած դեսպանների հետ հանդիպումներն իրենց անմիջական ու դրական ազդեցությունն են ունեցել մի շարք ոլորտներում։

Միևնույն ժամանակ կողմեր փաստեցին, որ երկկողմ հարաբերություններում առկա է մեծ ներուժ, որը պետք է մաքսիմալ արդյունավետ իրականացնել։ Զրույցի ընթացքում ԲՀԿ նախագահը հայտնեց որ առաջիկայում նախատեսում է ապրանքաշրջանառության ավելացում երկու երկրների միջև և այդ ծրագիրը կյանքի կոչելու համար արդեն իսկ Հայաստան է հրավիրել ավելի քան հարյուր քառասուն հնդիկ գործարարների, ովքեր տարբեր ոլորտներում գրանցել են հաջողություններ։ Հայաստանում բիզնեսի զարգացման համար ԲՀԿ նախագահը պատրաստակամ է օգնելու, տարածքի և ամենատարբեր պայմանների ապահովմամբ։

Այսպիսով, Գագիկ Ծառուկյանը մշտապես հետաքրքրված լինելով Հայաստանի տնտեսության զարգացմամբ՝ ինչպես նախկինում, այնպես էլ այսօր իր վայելած վստահության, սիրո ու ծավալած գործունեության շնորհիվ կարողանում է Հայաստան հրավիրել մի շարք ոլորտներում իրենց ուրույն դիրքն ունեցող գործարարների, ովքեր իրենց ներդրումներով կարող եմ զարգացնել բիզնես միջավայրը։