«Ոսկե դպրոց»-ի անսպասելի ավարտը․ ինչ է սպասվում երրորդ եթերաշրջանում

 

Tert.am Life-ի հետ զրույցում Վաչեն որոշ մանրմասներ պատմեց և խոսեց սիթքոմի երրորդ եթերաշրջանի մասին:

 

Պրոդյուսերը նշեց, որ այսօր սպասվող վերջին սերիայում հեռուստադիտողին հետաքրքիր իրադարձոթւոյւններ են սպասվում, օրինակ, հարսանեկան արարողություն: Դե իսկ ոսկիների փնտրտուքը կունենա իր հանգուցալուծումը՝ միայն թե, այն կհայտնվի բոլորովին այլ մարդու ձեռքում։

 

 

«Վերջին սերիան ավարտվում է նրանով, որ ոսկիները շատ պատահական կերպով հայտնվում են աշակերտներից մեկի մոտ։ Այս իրադարձությունը լրիվ փոխելու է զարգացումների ընթացքը,- ասաց Վաչեն և ավելացրեց, որ նոր զարգացումներին հետևելու հնարավորություն հեռուստադիտողը կունենա արդեն երրորդ եթերաշրջանում,- Երրորդ եթերաշրջանի նկարահանումները նախատեսել ենք սկսել սեպտեմբերից, որպեսզի հոկտեմբերին սիթքոմը լինի եթերում:

Սցենարային աշխատանքը կսկսենք օգոստոսից, թեև վերջին սերիայից հետո որոշակի ընդհանուր գծի մտահղացումն ունենք: Երրորդ եթերաշրջանում ավելի հետաքրքիր զարգացումներ են սպասվում: Հեռուստադիոտղը կտեսնի, թե ինչպես է ամբողջովին փոխվում այն աշակերտի կայնքը, որի մոտ հայտնվում են ոսկիները: Բնական է, նրանք, ովքեր փնտրում էին ոսկիները երրորդ եթերաշրջանում ևս շարունակելու են փնտրտուքը, ինչն իր հերթին հանգեցնելու է հետաքրքիր զարգացումների»:

 

 

Վաչեն չբացառեց, որ նոր եթերաշրջանում Ոսկե դպրոցում կհայտնվեն նոր դեմքեր, թե ովքեր կլինեն նրանք, առայժմ ստեղծագործական թիմն էլ չի որոշել։

 

 

«Մեր մոտեցումը ոչ թե ամեն եթերաշրջանում մեկ հոգի ավելացնել կամ պակասեցենելն է, այլ սցենարով առաջնորդվելը: Եթե սցենարն ունենա այնպիսի զարգացում, որ դասարան պետք է գա նոր աշակերտ, ապա ևս մեկ կերպար կավելանա: Օրինակ՝ երկրորդ եթերաշրջանի դեպքում ավելացավ ոչ թե մեկ կերպար, այլ մի ամբողջ գործակալություն` իր աշխատակիցներով»,-ասաց նա:

 

Ինչպես սիթքոմի երկրորդ եթերաշրջանում, այնպես էլ երրորդի դեպքում, պրոդյուսերի խոսքով, չեն սահմանափկվելու դպրոցի տարածքով, լինելու են նկարահանումներ ամենատարբեր վայրերում: «Երրորդ եթերաշրջանում հեռուստադիտողը կտեսնեի նոր տեղանքներ: Իհարկե, դա ավելի է բարդացնում աշխատանքը, բայց մենք չենք զլանում: Քանի որ մենք որակյալ աշխատանքի կողմնակից ենք, ամեն ինչ անում ենք, որպեսզի սիթքոմը հետաքրքիր լինի և իրական կյանքին ավելի մոտ իրավիճակներ ստեղծվեն: Նույն մոտեցմամբ առաջնորդվելու ենք նաև երրորդ եթերաշրջանում»,-եզրափակեց Վաչեն: