Կրակել են քիքբոքսինգի հայազգի չեմպիոնի վրա
Սպորտ
Մոսկվայում անհայտ անձը հարձակվել է քիգբոքսինգի աշխարհի չեմպիոն Սուրեն Կալաչյանի վրա, որին մեջքի եւ ազդրի հրազենային վնասվածքներով հոսպիտալացրել են։
Միջադեպը տեղի է ունեցել օգոստոսի 7-ի երեկոյան Մոսկվայի հյուսիս–արեւելքում՝ Սոլովյինայա Ռոշա փողոցի վրա։ Քիգբոքսինգի աշխարհի չեմպիոն Սուրեն Կալաչյանը իր տան մոտակայքում վիճել էր անհայտ անձի հետ։ Կոնֆլիկտը վերածվել էր ծեծկռտուքի, որի ժամանակ մարզիկը հարվածել էր մրցակցին, իսկ վերջինս տրավպատիկ զենքից կրակել էր նրա վրա, փոխանցում է «ՌԻԱ Նովոստի»–ն։
«Քաղաքացին, որը պրոֆեսիոնալ քիգբոքսինգով է զբաղվում եւ աշխարհի չեմպիոն էր դարձել, մայրաքաղաքի արեւելքում վիճել էր մոսկվայաբնակ անձի հետ։ Ծեծի ժամանակ նա հարվածել էր քաղաքացուն, որից հետո տրավմատիկ ատրճանակից վիրավորում էր ստացել»,– հայտնել են ոստիկանությունից։ Ծեծի մասնակիցներին հոսպիտալացրել են։ Կալաչյանը ազդրի հրազենային վիրավորում է ստացել, իսկ նրա վրա հարձակված անձը՝ այլ բնույթի մարմնական վնասվածքներ։
Բուժօգնություն ստանալուց հետո նրանց հարցաքննել են։ Պարզվել է, որ վեճի պատճառը երեխաներն են եղել։ «Ոստիկանության բաժանմունքում Կալաչյանն ասել է, որ հարձակվողի նկատմամբ հավակնություններ չունի, իրենք արդեն հաշտվել են։ Նման հայտարարություն է արել երկրորդ տուժողը»,– հայտնել են ՏԱՍՍ–ին իրավապահ մարմիններում իր աղբյուրները։
1
2
3
4
5
1
2
3
4
5
1
3
4
5
