Հայտնի են դարձել աղջիկների մոտ սեռական ցանկության բացակայության պատճառները

Սեքսոլոգ և լրագրող Նիչի Հոջսոնը բացատրել է, թե ինչու են կանայք դադարում սեռական հարաբերություն ունենալ: Մասնագետի կարծիքով, մարդիկ տարբեր պատճառներով չեն կարողանում հաճույք ստանալ սեռական հարաբերությունից, ինչն էլ նվազեցնում է սեռական կյանքի որակը: Նիչի Հոջսոնն իր եզրակացությունները հրապարակել է The Guardian-ում:

 

Ինչպես գրում է Հոջսոնը, կնոջ մոտ բացասական սեռական փորձությունը կարող է պայմանավորված լինել չիմացությամբ, թե ինչպես է գործում մարդու օրգանիզմը: Ամոթն ու վախը խանգարում են բացահայտել սեփական սեքսուալությունը: 

Սեռական հարաբերությունից խուսափելը կարող է լինել նաև բռնության պատճառով: Խանգարող հիշողությունները կարող են նվազեցնել գրգռվածության մակարդակը, որի արդյունքում սեռական հարաբերությունը դժվարանում է: Այս դեպքում անհրաժեշտ է դիմել հոգեթերապևտի օգնությանը: Սեռական զսպվածության վրա կարող է ազդել նաև կրոնական ու բարոյական դաստիարակությունը:

Սեռական ցանկության բացակայության պատճառ կարող է լինել նաև տարբեր հիվանդությունները, այդ թվում նաև այնպիսիք, որոնք փոխանցվում են սեռական ճանապարհով, դեպրեսիան, հոգեմետ դեղերի ընդունումն ու ալկոհոլը:

 

Սեռական ցանկության բացակայությունը կարող է պայմանավորված լինել նրանով, որ կինը չի կարողանում օրգազմ ապրել: Այս դեպքում Հոջսոնը զույգերին խորհուրդ է տալիս սիրային նախերգանքին հատկացնել նվազագույնը 15-20 րոպե: