Փաշինյանը մեկնաբանել է իր աղմկահարույց գրառումը
Քաղաքականություն
Կարծում եմ՝ ուշադիր ընթերցողը կտեսներ, որ այսօր Հայաստանում խոսքի անսահմանափակ ազատություն կա։ Լրագրողների հետ զրույցում այսպես ասաց վարչապետ Նիկոլ Փաշինյանը՝ անդրադառնալով հեռուստաընկերությունների աշխատանքին վերաբերող ֆեյսբուքյան իր վերջին գրառմանը:
«Կարծում եմ՝ բոլորդ ձեր աշխատանքում դա տեսնում եք»,-ասաց նա՝ ավելացնելով, որ լրագրողներն ու լրատվամիջոցները պետք է ուշադիր լինեն իրենց գործողությունների նկատմամբ։
«Ես հասկանում եմ, որ նախկինում տեքստերը, ամեն ինչ ասվել է համապատասխան մարմինների կողմից՝ ինչ ասեն, ինչպես ասեն: Ես ընդամենն ասում եմ, որ այսօրվա իրավիճակում նման երևույթ չկա, և դա ի չարս չօգտագործվի։ Չեմ ուզում կոնկրետ հասցեավորել, որովհետև կստացվի, որ ինչ-որ մեկին ուզում եմ թիրախավորել։ Ընդամենն ահազանգ եմ հնչեցնում և խնդրանք, կոչ եմ հնչեցնում՝ այդպես չանել»,- ասաց վարչապետը։
Հիշեցնենք, որ երեկ վարչապետ Նիկոլ Փաշինյանը հետևյալ գրառումն էր արել Facebook-ում. «Որոշ հեռուստաընկերություններ, փաստորեն, օգտվելով խոսքի ազատության անսահմանափակ հնարավորությունից՝ որոշել են հակապետական քարոզչություն իրականացնել:
Սա թերևս այն դեպքերից է, երբ իշխանության բարեկրթությունը ոմանք կրկին ու կրկին շփոթում են թուլության կամ միամտության հետ։ Մի՛ արեք։ Պարզապես մի՛ արեք»։
1
2
3
4
5
1
2
3
5
2
5
