Սեյրան Սարոյանի վիճակը վատացել է
Ամենաընթերցված
ԱԺ ՀՀԿ խմբակցության պատգամավոր, գեներալ Սեյրան Սարոյանը վատառողջ է, անկողնում պառկած: Այս մասին «ՀԺ»-ի թղթակցին տեղեկացրել է Սարոյանի՝ Սերոբ անունով ներկայացած օգնականը:
«Գեներալը չի կարող որեւէ հարցի պատասխանել, հիվանդ պառկած է»,- հայտնել է օգնականը՝ նշելով, որ գեներալի բոլոր զանգերին ինքն է պատասխանելու:
Հարցին՝ ի՞նչ է պատահել պարոն Սարոյանին, օրերս կարծես լավ էր զգում իրեն, ոտքի վրա էր, Սարոյանի օգնականը պատասխանել է, որ գեներալը միշտ էլ ձեռնափայտով է եղել ու վատառողջ.
«Գեներալը ե՞րբ էր լավ: Միշտ էլ ձեռնափայտով է եղել, ձեռքն էլ վիրակապած էր, տեսել եք, հոդացավեր ունի»,-ասաց Սեյրան Սարոյանի օգնականը՝ պնդելով, որ այլեւս որեւէ հարցի չի կարող պատասխանել:
Օրերս, երբ ԱԱԾ-ն Մանվել Գրիգորյանին տարավ ԵԿՄ գրասենյակի շենքից, ձեռքը վիրակապած Սեյրան Սարոյանը ընկերոջ՝ Մանվել Գրիգորյանի հետ էր:
«Բանակից ով ինչ կերավ, մեկ ա՝ քթերից դուրս ա գալու, իրանց քթերից չգա, իրանց երեխեքի քթերից ա գալու: Ես չեմ տեսել, որ բանակից, զինվորից հաց գողացողները հանկարծ կրակի մեջ չընկնեն: Ավելի լավ ա աստված պատժի իրանց, քան թե դատախազը»,- Ազգային ժողովի իր ելույթում ասել էր Սեյրան Սարոյանը:
1
2
3
4
5
2
3
4
5
1
3
4
5
