Գրոհ Փաշինյանի դեմ․ ինչ հարցեր են հնչելու

ԼՐԱԳԻՐ | Երեւանում տեղի ունեցած «Արևելյան Գործընկերության ապագան ալեկոծ ժամանակներում» թեմայով միջազգային գիտաժողովի ժամանակ Հայաստանում ԵՄ դեսպան Սվիտալսկին Հայաստանի նոր կառավարությանը կոչ է արել արագացնել ճյուղային, ոլորտային նախարարությունների քայլերը Հայաստան-ԵՄ շրջանակային համաձայնագրի իրականացումը սկսելու ուղղությամբ, մասնավորապես ֆինանսական հատկացվելիք միջոցները կառավարելու ուղղությամբ:

Միաժամանակ, դեսպան Սվիտալսկիից բացի, Հայաստանի նոր կառավարության Եվրամիության հանդեպ քաղաքական մոտեցումը քննադատել է նաեւ Հայաստանում Գերմանիայի դեսպան Մաթիաս Քիսլերը, ասելով, որ կառավարության ծրագրում Եվրամիությունը երրորդ տեղում է հայտնվել Ռուսաստանից ու ԱՄՆ-ից հետո: Նրա խոսքով, նախորդ կառավարությունն իր ծրագրում մատնանշում էր հարաբերությունը խորացնելու մտադրությունը:

Եվրամիության եւ Գերմանիայի դեսպանների հայտարարությունները հուշում են, որ նրանք ունեն որոշակի մտահոգություն, որ նոր կառավարությունը որոշակիորեն նահանջելու է ԵՄ հետ հարաբերության դինամիկայի կամ ծավալի մասով: Ավելի շուտ, հարց է՝ նրանք մտահոգվում են այսպես ասած «պրոֆիլակտի՞կ», թե՞ ունեն մտահոգության կոնկրետ հիմքեր:

Արդյոք նրանց անհանգստացրել է այն, որ օրինակ վարչապետ ընտրվելուց հետո Նիկոլ Փաշինյանը մեկ ամսում արդեն երկրորդ անգամ հանդիպել է Պուտինին, իսկ ԵՄ ուղղությամբ չի նայել: Իսկ գուցե ավելի լայն իմաստով եվրոպացիներին անհանգստացրել է այն, որ Ռուսաստանը զարմանալի հանգստություն ցուցաբերեց Հայաստանի թավշյա գործընթացին եւ մինչեւ վերջ հայտարարեց, որ դա Հայաստանի ներքին գործն է, իրեն ոչ բնորոշ կերպով չմիջամտելով Հայաստանի ներքին գործերին: Այսինքն, արդյոք եվրոպացիները համարում են, որ Ռուսաստանն այդուհանդերձ հենց միջամտել է այդ գործերին:

մանրամասն՝ կայքում