5 տարածված սխալ, որ թույլ են տալիս նիհարել ցանկացողները

Նիհարելու եւ ավելի գեղեցիկ կազմվածք ունենալու ճանապարհին մենք հաճախ շատ սխալներ ենք թույլ տալիս. Կրճատում ենք ճարպերը, չենք հետեւում մրգի օգտագործման քանակին, ջուր ենք խմում՝ առանց չափի զգացողություն դրսեւորելու: Մենք ներկայացնում ենք 5 միֆ՝ նիհարելու մասին:

Սննդակարգից ճարպերի բացառումը

«Ճարպ» բառը հաճախ վախեցնում է ավելորդ քաշից ազատվել փորձողներին, սակայն պետք է հիշել, որ կան նաեւ օգտակար ճարպեր: Դրանք պարունակում են ընդեղենը, ավոկադոն, ձիթապտուղը: Դրանց պարբերական օգտագործումը եւ՛ առողջարար է, եւ՛ խթանում է քաշի նվազեցմանը:

Շատ ջուր խմել 

Շատ ջուր խմելը, իհարկե օգնում է մարսողական համակարգին եւ օրգանների ճիշտ աշխատանքին, սակայն ուսումասիրությունները ցույց են տվել, որ դրանցում առկա քիմիական միացությունները եւս կարող են ավելորդ ճարպի առաջացման պատճառ դառնալ: Պլաստիկ շշերում առկա ջուրը կարող է նաեւ էստրոգեն հորմոն պարունակել, որը ուղղակիորեն ազդում է օրգանիզմում ճարպ պահեստավորելու գործընթացի վրա:

Ֆիզիկական վարժություններ

Նորություն չէ, որ միայն ֆիզիկական ակտիվությունը բավարար չէ ցանկալի արդյունքի հասնելու համար: Եթե այն չի զուգակցվում ճիշտ սննդակարգի հետ, ապա անօգուտ է: Բացի այդ, նիհարել ցանկացողներից շատերը հավատում են այն առասպելներին, թե վարժությունները կարող են հրաշքներ գործել: Արդյունքի հասնելու համար հարկավոր է հետեւել սննդակարգին եւ զուգահեռ մարզել մարմինը:

Տեսնել միայն լուսավոր կողմը

Կիոտոյում (Ճապոնիա) Դոշիսա համալսարանի հետազոտողները վեց ամիս շարունակ ուսումնասիրություն են անցկացրել  քաշ գցելու ծրագրի մեջ ներգրավված կանանց եւ տղամարդկանց շրջանում, եւ պարզել, որ նրանք, ովքեր ավելի դրական եւ լավատես են, կորցնում են ամենաքիչ քաշը: Ենթադրվում է, որ չափազանց դրական տրամադրվածությունը կարող է հանգեցնել քաշի ավելացմանը , քանի որ իրենց առջև եղած խնդիրները, այս դեպքում, դիտվում են մակերեսային: 

Մրգերի չարաշահում

Մրգերը, անկասկած, հարուստ են վիտամիններով եւ օգտակար նյութերով, սակայն պետք է հիշել, որ կալորիան շարունակում է մնալ կալորիա: Բացի այդ, ամերիկյան բժշկական ասոցիացիայի ամսագրում հրապարակված հետազոտության արդյունքները ցույց են տալիս, որ ֆրուկտոզան կարող է ստիպել ուտել պետք էղածից ավելին, քանի որ ինչպես գլյուկոզայի օգտագործման դեպքում, այնպես էլ ֆրուկտոզայի, օրգանիզմը հագեցվածություն չի զգում եւ պահանջում է ավելին: Ուստի, հարկավոր է միշտ հետեւել ընդունած սննդի չափաբաժնին: