Դերասանուհի և մոդել Բրուք Շիլդսը անկեղծ հարցազրույց է տվել «Net-a-Porter» պարբերականին և պատմել է մանկության, հարբեցող մոր, ինչպես նաև իր երկու ամուսինների ու երեխաների մասին:
Շիլդսը իր կարիերան շատ վաղ է սկսել . ամսագրերի համար ու կինոյում նկարահանվել է պատանեկան տարիներից, սակայն շատ բարդույթներ է ունեցել՝ մոր պատճառով: 
«Նա հարբում էր ու անընդհատ ասում, որ ես հաստ հետույք ունեմ: Արդյունքում համոզվել էի, որ գեր եմ ու տգեղ: Երբ 15 տարեկան էի, լողազգեստով նկարահանվում էի ամսագրերի համար, սակայն վստահ էի, որ կազմվածքս լավը չէ: Լուսանկարիչներն ինձ ասում էին, որ աթլետիկ կազմվածք ունեմ և պոդիումի հարմար թեկնածու չեմ: Այդ ամենը թափանցել էր իմ գիտակցության մեջ ես տառապում էի բարդույթներից »,- անկեղծացել է Շիլդսը:
Նա պատմել է նաև նախկին ամուսնու՝ թենիսիստ Անդրե Աղասիի մասին և խոստովանել է, որ Աղասիի հետ ամուսնացել է՝ մոր «իշխանությունից» ազատվելու համար: 2 տարի անց Բրուք Շիլդսն ու Անդրե Աղասին ամուսնալուծվել են, իսկ 2001 թվականին Շիլդսն ամուսնացել է սցենարիստ Քրիս Խենչի հետ: Նրանք 15 և 12 տարեկան երկու դուստր ունեն:
«Քրիսը հիանում էր իմ կազմվածքով, իսկ ինձ այնպիսի տղամարդ էր պետք, որն անկեղծորեն կմեծարեր ինձ: Իմ դուստրերը շատ ավելի ինքնավստահ են, քան ես՝ նրանց տարիքում: Նրանք չունեն բարդույթներ, իսկ համառությունն ու կամքի ուժը ես եմ ներարկել նրանց » ,- ասել է Բրուք Շիլդսը:
1
2
3
4
5
2
3
4
5
2
5
