«Այս պահին հստակ հանձնարարական ունենք վարչապետից». մարզպետ
Քաղաքականություն
Ես մասնագիտությամբ հանրային առողջության, առողջապահության կազմակերպիչ եմ: Այս մասին լրագրողների հետ զրույցում ասաց Արմավիրի նորանշանակ մարզպետ Գագիկ Միրիջանյանը՝ նշելով, որ իր անցած ուղին ու փորձը կօգնեն իրեն այս գործում:
«Առաջնահերթ է կանխարգելումը, ոչ թե բուժումը: Մարզում էլ իրականացնելու ենք կանխարգելիչ աշխատանքներ: Այս պահին հստակ հանձնարարական ունենք վարչապետից, թո՛ւյլ տվեք՝ դեռ չբարձրաձայնեմ, հետո կիմանաք, թե ինչի մասին է խոսքը»,- ասաց Միրիջանյանը:
Մարզպետը նշեց, որ մարզի «ֆեոդալները» և մնացածը մարզպետի գործառույթների մեջ չեն. «Ես խոչընդոտ չեմ տեսնում, ոչ մի խոչընդոտ չկա»:
Գագիկ Միրիջանյանը նշեց, որ իր աշխատանքի ընթացքում մարզի խնդիրները բաժանելու է ոլորտներով՝ սոցիալական, կրթություն, մշակույթ: Առանձնահատկությունները ևս բաժանվելու են ոլորտներում, ապա տրվելու են համապատասխան լուծումներ:
Իսկ այն հարցին, թե ինչո՞ւ հենց իրեն առաջադրեցին այս պաշտոնում, նորանշանակ մարզպետն ասաց, որ իրեն ԲՀԿ-ն է առաջադրել, ինքը շնորհակալ է և պատրաստ է «պարզ երես անել» բոլորին՝ Կառավարության ղեկավարությանը:
Դիտարկմանը, թե աշխատել է նաև ՀՀԿ-ականների ժամանակ, Միրիջանյանը հարցով պատասխանեց. «Նկատի ունեք՝ աշխատել եմ Իլյիչից Իլյի՞չ»:
1
2
3
4
5
2
4
5
1
2
3
5
