Norlur.am կայքին սպառնացող վտանգը...

Քաղաքականություն 24 Մայիս, 2018 18:19

Գուրգեն Սահակյանն իր ֆեյսբուքյան էջումգրում է.

Առաջին անգամը չէ, երբ լրատվական դաշտում հեղինակություն չվայելող կայքերից մեը, որը կոչվում է norlur.am, աչքի է ընկնում իր խառնակիչ դրսևորմամբ: Հասկանալի է, որ մեդիա լծակները երբեմն-երբեմն օգտագործվում են որպես հակաքարոզչության միջոց, սակայն սա արդեն կոպիտ ասած «բոշության» է նմանվում, երբ չունենալով բավարար ինտելեկտուալ և անալիտիկ ռեսուրս, փորձ է արվում ապակողմնորոշել հանրությանն ու կարծիք փոխել կոնկրետ քաղաքական ուժի նկատմամբ: Հնարավոր է որոշ դեպքերում դա ստացվում է, սակայն norlur.am-ի պարագայում դա այդպես չէ, քանի որ թիրախը, որի դեմ աշխատում է այս կայքն օրնիբուն, բոլոր առումներով գերազանցում է նրանց պատկերացուներն ու հնարավորությունները:

Ինչևէ հերթական անգամ շահարկելով Նաիրա Զոհրաբյանի այն խոսքերը, որ իրենց խմբակցությունը արտահերթ խորհրդարանական ընտրություններին գնալու է մեծամասնության քվեն ստանալու ակնկալիքով, վերլուծել են այն ու ինչ-որ տափակ եզրահանգման են եկել, որի համաձայն «Ծառուկյան» դաշինքն իբր թե պայմանավորվածություն ձեռք կբերի նախկին իշխանականների հետ ու Նիկոլ Փաշինյանի համար դժվար իրավիճակ կստեղծվի:

Բացարձակ անհեռատեսություն և դիլետանտություն դրսևորած այս ծակ անալիտիկները, չեն էլ հասկացել, որ նման շահարկումների ժամկետն անցել է, դա այլևս ակտուալ չէ, քանի որ ՀՀԿ-ն մոտ ապագայում վերջնականապես քաղաքական կապիտուլացիայի կենթարկվի, երբ նոր ընտրական համակարգով կիրականացվեն արտահերթ խորհրդարանական ընտրություններ: Ասենք ավելին, դասական քաղաքագիտությունը ենթադրում է, որ քաղաքական ուժը ընտրություներին պետք է հավակնի մեծամասնության քվեն ստանալուն, հակառակ դեպքում տվյալ ուժն ուղղակի սպառված և լճացած թիմի կնմանվի:

Այսինքն Արտակ Նավասարդյանը, ով հանդիսանում է norlur.am կայքի սեփականատերը սկսել է կրակի հետ խաղալ և իր կայքի՝ մեդիադաշտում ապագայի վրա քար է գցում:
Ի գիտություն norlur.am-ի խմբագրակազմի, Ծառուկյանը բազմաթիվ անգամներ ունեցել է ավելի նպաստավոր պայմաններ իշխանության գալու, սակայն նա ընտրեց ժողովրդի վստահությամբ դա իրականացնելու ազնիվ ճանապարհը, որպեսզի ոչ ոք չկասկածի նրա լեգիտիմության վրա:

Ինչևէ որքան ցանկանում են թող շարունակեն այդ անպտուղ գործունեութունն ուղղված համաժողովրդական շարժման հաղթանակն արձանագրած ուժերի և լիդերների դեմ, դա այս փուլում բումերանգի էֆեկտով է անդրադառնալու նրանց վրա, իսկ ընթերցողն էլ, որ այսպես շարունակվի, զերծ կմնա norlur.am կայքի նման ծախված և անարժանապատիվ կայքի հրապարակումներից: