«Իրավունք» թերթը շարունակում է իր պառակտիչ գործունեությունը՝ արդեն փրփուրներից կախվելով

Գարեգին Մկրտչյանը ֆեյսբուքյան իր էջում գրում է.

Արդեն առիթ եղել է բարձրաձայնելու «Իրավունք» թերթի պառակտիչ գործունեության մասին, քանի որ այդ մասին նյութերով են ողողված սոցցանցերը։ «Իրավունք» թերթի գործունեությունը վերջին օրերին առաջացրել է բազմաթիվ օգտատերերի զայրույթը, որը ուղղորդված պառակտիչ գործունեություն է ծավալում՝ նոր ձևավորված Կառավարության ուղղությամբ։

Հասկանալի է, որ համաժողովդրական շարժման հաղթանակը և Ծառուկյան-Փաշինյան միասնությունը մրմռացնում է որոշ անձանց համապատասխան մասերը, և այժմ նրանք փորձում են ապատեղեկատվությամբ ու ստերով խարխլել այդ միասնությունը, իսկ որպես այդ ամենի գործիք հանդես է գալիս «Իրավունք» թերթը, որը ամեն օր ընթերցողներին է մատուցում բացահայտ ստեր, փորձելով ապակողմնորոշել քաղաքացիներին։ 

Երեկ, օրինակ, այս թերթը ստորաբար ստել էր և գրել որ Գագիկ Ծառուկյանը իբր մենաշնորհ ունի ցեմենտի ոլորտում, այն դեպքում, երբ բոլորը գիտեն, որ Արարատի ցեմենտի գործարանից բացի Հայաստանում գործում է նաև Հրազդանի «Միկա» ցեմենտի գործարանը, քաղաքացիները ցեմենտ են ներկրում Վրաստանից և Իրանից, իսկ Էրեբունու գաջի գործարանում ցեմենտ է արատադրում Մհեր Սեդրակյանի որդին։
Այսքանից հետո գրելը, թե Ծառուկյանը մենաշնորհ ունի ցեմենտի գործարանում, ստորություն է։ Բայց «Իրավունք» թերթը պատրաստ է վաստակել ստոր լինելու պիտակը՝ իր պառակտիչ գործունեությունը իրականացնելու համար։ 

Ավելին, «Իրավունքը» այսօր հերթական ստորությունն է արել և հերթական սուտը հրապարակել, իբր նորաստեղծ Կառավարությունում ներքին խժդժություններ կան և այլն։ Հասկանալի է, որ սա սովորական ապատեղեկատվություն է, և բացատրվում է նույն հանգամանքով, որ «Իրավունքը» պարզապես պառակտիչ գործունեություն է ծավալում և փորձումէ խարխլել Նիկոլ Փաշինյանի և Գագիկ Ծառուկյանի միասնությունը։ Բայց արդեն ստախոսի համբավ հանած թերթը չի կիարող համոզել ընթերցողներին որևէ հարցում, բացի այդ, վերոնշյալ միասնությունը այնքան ամուր է, որ «Իրավունք» թերթը արդեն փրփուրներից է կախվում, իր գոյություն չունեցող աղբյուրների վրա է հղում անում և այլն։
Ի դեպ, մեկ հավելում անենք․ որևէ մեկը չի կարող լուրջ ընդունել մի թերթի, որի սեփականատերն է համարվում Հայկ Բաբուխանյանը, մի մարդ, որի գերծունեությունը տեղով սուտ ու կեղծիք է, քանի որ ժամանակին լինելով «թունդ» ընդդիմադիր, այս անձը հետո արագ գունափոխվեց և արդեն քանի տարի է տեղավորվել ՀՀԿ-ի գրկում։ Ինչպե՞ս կարող է սույն քամելեոնին պատկանող լրատվամիջոցին որևէ մեկը լուրջ մոտենալ կամ լուրջ ընդունել նարցն գրածները։ Այնպես որ «Իրավունքին» մնում է ընդունել սեփական անզորությունը անգամ ստի մատուցման գործում և ճանաչել համաժողովրդական շարժման և Գագիկ Ծառուկյանի ու Նիկոլ Փաշինյանի միասնության անպարտելիությունը։