Եթե ստոմատոլոգիական ծառայությունները ներառված են Ձեր առողջապահական ապահովագրության ծածկույթում , ապա կարող եք ատամների պլոմբավորումը իրականացնել հենց նրանց միջոցով: Օրթոպանտոմոգրամման ամենակարևոր հետազոտություններից մեկն է, առանց որի չի կարելի գնալ ատամնաբույժի մոտ և քննարկել բրեկետններ դնելու հարցը:
Այս հետազոտության համար ապահավագրականները սովորաբար չեն փոխհատուցում: Ծնոտի ռենտգեն հետազոտությամբ այցելեք մի քանի ատամնաբույժի: Նրանցից յուրաքանչյուրը խնդրի լուծման իր տարբերակը կառաջարկի, դուք էլ ընտրության հնարավորություն կունենաք: Քանի որ բրեկետներ դնելուց հետո մոտավորապես մեկ տարի անընդհատ պետք է այցելեք ատամնաբուժարան, ավելի հարմար կլինի, եթե այն ձեր աշխատավայրի կամ տան մոտակայքում լինի:
Բրեկետներ դնելու վերջին նախապատրաստական փուլը խանգարող ատամների հեռացումն է: Հաճախ, տգեղ ատամնաշար ունենալու հիմնական պատճառն ատամների կուտակումներն են և այս դեպքում իմաստության ատամի հեռացումը դառնում է լավագույն լուծումը: Ատամների հեռացման արժեքը կախված է բարդության աստիճանից և ձեր ընտրած կլինիկայի գնային քաղաքականությունից: Նախապատրաստական այս ամբողջ գորընթացը երկար ժամանակ է պահանջում:
Ատամների հեռացումից հետո ծնոտը պետք է բուժել գոնե 1 շաբաթ: Մի կարծեք, թե ատամնաբույժի առաջին այցելութոյւնից հետո, պետք է տուն վերադառնաք Ձեր երազած բրեկետներով: Սովորաբար նախապատրաստական փուլը տևում է 1 ամիս կամ մի փոքր ավելի:
Նախապատրաստական բոլոր աշխատանքներն ավարտելուց հետո ատամնաբույժը ստեղծում է ձեր ատամնաշարի շապիկը, ըստ որի էլ մշակում է բուժման մեթոդաբանությունը: Հաջորդ քայլն արդեն բրեկետի տեղադրման օրը որոշելն է: Ատամնաշարի և կծվածքի շեղումները ուղղելու համար ձեզ միանգամից անհրաժեշտ է 2 բրեկետ համակարգ՝վերին և ներքին ծնոտի համար: Ատամնաբույժները սովորաբար առաջինը խորհուրդ են տալիս սկսել վերին ատամնաշարից: Մի քանի ամիս անց, երբ դուք ադապտանաք ու սովորեք կտեղադրվի 2 –րդ բրեկետ համակարգը: Ատամների բրեկետ համակարգերի ամենատարածված տեսակներն են՝ մետաղական, կերամիկական, շափյուղե(սապֆիր)և լինգվալ :
- Մետաղական բրեկետներն ամենաշատը սիրում են ատամնաբույժները, դրանք ամենաարդյունավետն են ու ամենաէժանը: Սակայն այս բրեկետների արտաքին տեսքը միշտ վանում է հաճախորդներին:
- Կերամիկական բրեկետներն ավելի մոտ են ատամի էմալի գույնին, այդ պատճառով էլ չեն երևում, սակայն կա կարծիք, որ արդյունավետությամբ զիջում են մետաղականներին, հենց դա է պատճառը , որ կերամիկականն ընտրելիս պետք է պատրաստ լինեք մի քանի ամիս ավել կրել բրեկետ- համակարգերը: Բրեկետի այս տեսակը նախորդի համեմատ ավելի թանկ արժե:
- Շափյուղե (սապֆիր) -Դրանց կոնստրուկցիան կերամիկականից չի տարբերվում՝ բացի կողպեքներից, որոնք պատրաստված են թափանցիկ նյութից և աչքի չեն ընկնում:
- Լինգվալ բրեկետները տեղադրվում են ատամների ներսի կողմից, այդ իսկ պատճառով էլ բացարձակապես չեն երևում: Այս բրեկետներն ամենաթանկարժեքն են:
Բրեկետները տեղադրելուց հետո ատամնաբույժի պետք է այցելել ամեն ամիս: Ընդհանուր վիճակի զննությունից հետո ատամնաբույժը կարող է ապարատային պրոցեդուրաներ նշանակել:
Բրեկետների հանումը վերջնական ու եզրափակիչ փուլն է: Այդ պրոցեսը տևում է մոտավորապես 1 ժամ: Բրեկետները հանելուց հետո հենց նույն օրը ապարատային մաքրում է պետք անել: Պետք է մանրակրկիտ մաքրել բոլոր այն հատվածները, որոնք մեկ տարուց ավելի բրեկետի տակ են եղել: Բրեկետները հանելուց հետո մյուս խոշոր ծախսը կապիչների տեղադրումն է, դրանք անհրաժեշտ են , որ ատամները նորից չտեղաշարժվեն : Այդ կապիչները պատրաստվում են շապիկի հիման վրա: Թե որքան է պետք կրաել այն որոշում է ատամնաբույժը: Դրանք անհրաժեշտ է կրել ամեն գիշեր, պարզապես պետք է տեղադրելմ այն ատամներին ու քնել: Մասնագետները խորհուրդ են տալիս գունե կես տարի, ամեն գիշեր օգտագործել այդ կապիչները:
Հայաստանում բրեկետների միջոցով ատամանաշարն ու կծվածքի շեղումներն ուղղելու համար անհրաժեշտ ստոմատոլոգիական ծառայություբնների գները հետևյալն են.
Պլոմբ՝ ատամնալիցք – 9500-24000
Օրթոպանտոմոգրամմա թվային – 6000
Ատամների հեռացում- 4000-30000 ըստ բարդության աստիճանի
Բժիշկ օրթոդոնտի կոնսուլտացի և բուժման պլանի կազմում – 15000
Մետաղական բրեկետի տեղադրում –110.000-170.000
Կերամիկական բրեկետի տեղադրում – 170.000-230.000
Շափյուղե բրեկետների տեղադրում – 460.000
Լինգվալ բրեկետների տեղադրում – 690.000
Բուժում և պրոֆիլկակտիկ զննում – 300.000-800.000
Նվազագույնը 444.500դրամ մինչև – 1500.000
1
2
3
4
5
2
3
4
5
2
5
