«Տպավորություն ստեղծել, թե Փաշինյանն իր նախկին ասածներից հետ կանգնող է»․ ՀՀԿ-ն պատրաստվում է ընտրությունների

Քանի որ իմ համոզմամբ ՀՀԿ-ն արդեն սկսել է պատրաստվել ապագա ընտրություններին, էս հարցուպատասխանին ես նայում եմ էդ համատեքստում։ Ուրեմն նպատակ էր դրված 1.տպավորություն ստեղծել, թե Փաշինյանը իր նախկին ասածներից հետ կանգնող է, իրենց լեզվով ասած ֆուֆլո։ /Շարմազանով, Աշոտյան, Ֆարմանյան/
2.տպավորություն ստեղծել, թե նա չունի կադրային բազա ու պատկերացում չունի վաղվա անելիքների մասով։ /Խոսրով/
3.տպավորություն ստեղծել, թե երկիրը թևակոխելու է խորը ճգնաժամի փուլ։/անունը չեմ հիշում/
4.տպավորություն ստեղծել, թե նրա ասած սերն ու հանդուրժողականությունը ֆիկցիա են։ /Մարգարիտ Եսայան/
5.համոզել հանրությանը, թե Փաշինյանի նախկինում բարձրացրած խնդիրների մի մասը անլուծելի են ու իրենք արել են հնարավորը։ /անունը չեմ հիշում/
6.համոզել հանրությանը, որ հաղթանակի մեջ մեծ բաժին ունի ՀՀԿ ժողովրդավար ու հանդուրժող լինելը ու մինչև 2008թ. սենց բան չէր կարող լինել։ /Բաբլոյան/
Ինչ խոսք լավ է մտածված, չեմ ասի, թե Փաշինյանը լավագույն ձևով հետ մղեց այս հարվածը, բայց գնդակը դեռ նրա դաշտում է ու դեռ երկար է գտնվելու։