Անատի Սաքանյանը՝ ամուսնալուծությունից հետո իր կյանքի մասին

Դերասանուհի Անատի Սաքանյանը, ում տևական ժամանակ է` հեռուստադիտողը չէր տեսնում էկրաններին,  այս շրջանում ներկայանում է Ucom ցանցում գործող «Արմենիա պրեմիում» հեռուստաալիքի «Ավազե դղյակ» հեռուստասերիալում:

Tert.am Life-ի հետ զրույցում դերասանուհին խոսեց այս շրջանում իր գործունեության, ամուսնալուծությունից հետո իր կյանքի ու հետագա ծրագրերի մասին:

Անատիի խոսքով` այս պահին իր մոտ ավելի շատ գործնական շրջան է: Դերասանուհին հեռուստատեսային նոր առաջարկներ չունի, սակայն ասում է, որ ունի գովազդներում նկարահանվելու առաջարկներ: «Այս պահին մի համագործակցություն ունեմ, որի շրջանակում Հայաստանից դուրս հանդես եմ գալիս որպես հաղորդավարուհի և վարում եմ տարբեր կորպորատիվ միջոցառումներ: Այս ընթացքում հեռուստաեթերում որպես հաղորդավարուհի ներկայանալու շատ առաջարկներ են եղել , բայց ես նախընտրում եմ նկարահանվել սերիալներում։ Հաղորդավարությունն իմը չէ։ Ամսվա ընթացքում մեկ–երկու անգամ որևէ միջոցառում վարելն այլ է»,- ասաց դերասանուհին՝ ավելացնելով, որ այդ կերպ նաև իր հոնորարն է ապահովում:

Անատիի խոսքով` դերասանական կրթություն չունենալը իրեն չի խանգարել խաղալ պրոֆեսիոնալ դերասանների կողքին, թեև սկզբնական շրջանում վախեր ունեցել է նկարահնման հրապարակում, բայց ժամանակի ընթացքում դրանք  հաղթահարել է:

«Երբ ինձ ուղղում են կամ դիտողություն անում, ես դրանից չեմ նեղվում: Շատ ժամանակ ինքս էլ եմ խորհուրդ հարցնում ռեժիսորից, իմ ավագ խաղընկերներից՝ թե, օրինակ, որ տոնայնությամբ ճիշտ կլինի խոսել: Իհարկե, ինքս էլ աշխատում եմ իմ տեքստերի, իմ խաղի վրա: Սկզբում ահավոր ամաչում էի, նույնիսկ զգում էի, որ վախ կա իմ մեջ, բայց հիմա չեմ վախենում, ավելի ինքնվստահ եմ»,-ասաց նա:

Անատին նշեց, որ ի սկզբանե դերասանական գործունեությամբ զբաղվելու հեռանկար չի ունեցել, չնայած փոքր տարիքում հաճախել է տարբեր թատերական խմբակների:

«Հայրս չէր ցանկանում, որ դերասանուհի դառնամ: Հիշում եմ, երբ 16 տարեկանում  մեկնել էի Սոչի` քրոջս մոտ հանգստանալու, վերադարձի ճանապարհին մի մարդ տեսավ ինձ ու առաջարկեց նկարհանավել իր զարդերը գովազդի շապիկին։ Ասացի՝ տանը հաստատ թույլ չեն տա ինձ, բայց հեռախոսահամարը փոխանցեց: Եկա տուն ասացի, բոլորը դեմ էին, չգնացի: Բայց կարող եմ ասել, որ դա, կարծես, սկիզբ եղավ։ Դրանից հետո սկսեցի պատահական շատ առաջարկներ ստանալ»,- պատմեց դերասանուհին:

Այս շրջանում Անատին մտածում է նաև իր հիմնական մասնագիտությանը վերադառնալու մասին. «Հիմա չեմ կարող երկարաժամկետ սերիալներում կամ այլ նախագծերում նկարահանվել, քանի որ հնարավոր է` վերապատրաստվելու նպատակով որոշ ժամանակ  բացակայեմ երկրից: Ուզում եմ ավելի կատարելագործվել իմ հիմնական մասնագիտության մեջ` որպես բժիշկ-կոսմետելոգ, վիզաժիստ և ավելի որակյալ սպասարկել իմ հաճախորդներին»:

Նախորդ տարվա ամենաքննարկված թեմաներից մեկը Անատիի կարճատև ամուսնությունն էր, որը տևեց 6 ամիս։ Ամուսնալուծությունից հետո նա չի ցանկանում խոսել պատճառների մասին։ Ասում է`  ավելի լավ է լռի, որովհետև չի կարող պատասխանել այս թեմայով բոլոր հորինվածքներին: Հարցին, թե նախկին ամուսնու հետ այս ընթացքում երբևէ առերեսվե՞լ են, Անատին այսպես արձագանքեց. «Մենք խոսել ենք ամուսնալուծությունից հետո, բայց ավելին չեմ ուզում ասել: Այս պահին իմ անձնական կյանքը հանգիստ է ու գործնական»:

Երկրորդ անգամ անձնական երջանկությունը կառուցելիս Անատին նախորդ սխալները հաշվի առնելու կարիք չի տեսնում,  քանի որ կարծում է՝ սխալներ թույլ չի տվել. «Բացարձակ սխալներ չեն եղել, ես ճիշտ ընտրություն եմ արել: Ինչպես մտածել եմ ու ճիշտ եմ համարել մինչև հիմա, կյանքիս մնացած հատվածն էլ նույն կերպ եմ անցկացնելու»:

Անատիի կարծիքով, երջանիկ լինելու համար կնոջը հարկավոր է առողջ ընտանիք ու սիրելի աշխատանք ունենալ: Հարցին` արդյոք անհրաժեշտոթյան դեպքում պատրա՞ստ է զոհաբերել կարիերան անձնական երջանկությանը, դերասանուհին պատասխանեց.«Ես մեկ անգամ արդեն զոհաբերել եմ և պատրաստ եմ կրկին անել դա: Ընտանիքից կարևոր ինձ համար այս կյանքում ոչինչ չկա: Ամեն ինչ կյանքում ժամանակավոր է, բայց ոչ ընտանիքը»:

Այս թեմայով Անատի Սաքանյանի 26-ամյակի տպավորիչ նվերն ու «սև» խնջույքը Անատի Սաքանյանի 26-ամյակի լուսանկարներն ու «սև» ընտրությունը