Կինն ինքնուրույն իր կրծքից հեռացրել է սիլիկոնները (լուսանկարներ)

49-ամյա Տոնյա Ռոսսինգթոնը ՝ բրիտանական Սկեգնեսս քաղաքից, ինքնուրույն իր կրծքից հեռացրել է սիլիկոնային իմպլանտները, ցանկանալով տնտեսել վիրահատության գումարը։

Հետևելով YouTube  հրահանգներին, Տոնյան մաշկը ախտահանել է հակաբակտերիալ միջոցով ու կրծքի վրա սառույց դրել։ Հետո նա վերցրել է վիրաբուժական հերձադանակը, երկու կտրվածք արել կրծքերի տակ ու հանել իմպլանտները, որոնցից մեկը պատռվել է։ Նրա խոսքով՝ ինքը ցավ չի զգացել, քանի որ այդ հատվածում նյարդային վերջույթները վնասվել էին կրծքի մեծացման վիրահատության ժամանակ։

Պրոցեդուրայից հետո կինը գրություն է թողել ամուսնուն ու գնացել հիվանդանոց, որտեղ մասնագետները մշակել ու նորից վիրակապել են վերքերը։ Բժիշկների խոսքով՝ կնոջ բախտը բերել է, քանի  որ պրոցեդուրայի ժամանակ նա կարող էր վնասել զարկերակը կամ էլ ինֆեկցիա տարածել։

Ռոսինգթոնը կրծքի մեծացման վիրահատություն էր արել 14 տարի առաջ Բրյուսելում, երբ մեծ կրծքեր ունենալը նորաձև էր։ Սկզբում նրան դուր էին  գալիս իր նոր կրծքերը, բայց

ժամանակի ընթացքում նա կորցրել է ինքնավստահությունը ու անընդհատ փորձում էր թաքցնել կրծքերի մեծությունը։ Իսկ երբ նա նիհարել է, նրա մեծ կրծքերն ավելի անբնական տեսք  են ստացել։

Առողջապահության ազգային ծառայությունը հրաժարվել է վճարել կրծքերի փոքրացման վիրահատության համար։ Մասնավոր կլինիկայում սիլիկոնի հեռացման համար կինը պետք է վճարեր 3000 ֆունտ սթերլինգ։ Ռոսսինգթոնը չուներ այդքան գումար ու որոշել է իմպլանտը ինքնուրույն հեռացնել։

Այս թեմայով Գլյուկոզան կրկին ներկայացել է առանց ներքնազգեստի (լուսանկար) Սմարթֆոնը վնաս է կաթնագեղձին. հետազոտություն Աղջիկն ունի հիանալի և պիրկ կուրծք, որովհետև պահպանում է հետևյալ կանոնները Կրծքի պլաստիկ վիրահատություն. խորհուրդներ պլաստիկ վիրաբույժից 25 փաստ կրծքի մասին