Ի՞նչ կլինի, եթե վարչապետ դառնա Նիկոլ Փաշինյանը

Էդգար Էլբակյանը իր ֆեյսբուքյան էջում գրում է.

• Ի՞նչ կլինի, եթե Հայաստանում դե-ֆակտո և դե-յուրե իշխանությունն անցնի Նիկոլ Փաշինյանին․ հնարավոր սցենարներ՝ իրենց գործակիցներով․
Ա․ իշխանության կոնսոլիդացիա Ն․ Փաշինյանի ձեռքում, շնորհիվ սրա՝ «նախընտրական» շրջանում հնչեցված բոլոր պոպուլիստական օրակարգերի («քաղբանտարկյալների» ազատ արձակում և այլն) բնաջնջում, պատասխանատու պաշտոններին նախկին պրոֆեսիոնալների վերանշանակում (առնվազն՝ Վիգեն Սարգսյան, Դավիթ Տոնոյան), անմիջական թիմի նվիրյալ, բայց ոչ կոմպետենտ կադրերի նշանակում միջին օղակներում՝ աստիճանական թրծման նպատակով, և ամենակարևորը՝ մթության քողի ներքո Երկրի 7 միլիարդ բնակչությունից թաքուն՝ Ն․ Փաշինյանի և Սերժ Սարգսյանի անհատական պարապմունքներ՝ «տարբեր պաշտոններին [Սերժ Սարգսյանի] երկար տարիների ընթացքում կուտակած փորձը փոխանցման» նպատակով, ինչի հետևանքով Ն․ Փաշինյանը կդառնա Հայաստանի առաջին սուպերանկախ ղեկավարը, քանզի կունենա արտաքին աշխարհից նվազագույն կախում — 30%։
Բ․ իշխանության կոնսոլիդացիա Ն․ Փաշինյանի ձեռքում, «քաղբանտարկյալների» ազատ արձակում, կադրային ջարդ, անմիջական թիմի նվիրյալ, բայց ոչ կոմպետենտ կադրերի նշանակում պատասխանատու պաշտոնների, կարճ ասած՝ երկրի վերածում ՔՊ-ական ու (մերձ)ՕՐՕ-յական փորձադաշտի՝ դրանից բխող լրջագույն ռիսկերով — 45%։
Բ․Բ․ ի հետևանս «Բ․» սցենարի՝ կարող է զարգանալ մեկ այլ ենթասցենար, երբ ուժայիններից ինչ-որ մեկի նյարդերը տեղի կտան ծավալված «բառդակից» ու երկրում օտար աջակցությամբ և/կամ հավանությամբ տեղի կունենա զինված հեղաշրջում, որը կարող է լինել ոչ թե առաջինն ու վերջինը, այլ կարող է կրել ցիկլիկ բնույթ՝ երկիրն ընկղմելով խորագույն ճգնաժամի ու արտաքին սպառնալիքին անպատրաստ լինելու ճահճի մեջ — 25%։
• Ինչպես դժվար չէ նկատել, սցենարային ծավալման առումով առանցքային խնդրականը Ն․ Փաշինյանի կերտելիք թիմն է։ Կարճ ասած՝ ո՞վքեր կլինեն երկրի նոր իշխանները, եթե դե-ֆակտո և դե-յուրե իշխանությունն անցնի Նիկոլ Փաշինյանին։

Նյութի աղբյուրը՝ այստեղ

Այս թեմայով «Ես դա կասեմ անձամբ վարչապետին և պաշտպանության նախարարին». գեներալ Տեր-Գրիգորյանց Հարցում Երևանի փողոցներում՝ ո՞վ է վարչապետի ձեր նախընտրած թեկնածուն. ՏԵՍԱՆՅՈՒԹ Ինչ է, ի վերջո, ասել Պուտինը Կարապետյանին Կարապետյանի խիստ վտանգավոր խաղը. հարված Ռուսաստանին Ինչ է քննարկվել Սերժ Սարգսյանի առանձնատանը