Առավել անվտանգ ցավազրկող է ստեղծվել

Միչիգանի համալսարանի գիտնականները նոր ցավազրկող միջոց են ստեղծել, որը կարող է նույնքան արդյունավետ լինել, որքան ափիոնային անալգետիկները: Այս միացության կարեւոր առավելությունն այն է, որ դրա հետեւանքով կախվածություն չի զարգանում: Գիտնականները ցավազրկողն արդեն թեստավորել են մկների վրա:

Այս միացությունը մշակվել է նեյրոնների կողմից ազատվող ցավազրկող պեպտիդների հիման վրա: Բջիջների կուլտուրաներով փորձերի ժամանակ գիտնականներն աշխատել են ցավը մեղմող միջոցի ստեղծման ուղղությամբ, որը կախվածության եւ տոլերանտության զարգացում չի առաջացնում:

Կրծողների վրա կատարված հետազոտությունը ցույց է տվել, որ միջոցն օժտված էր ցավազրկող ազդեցությամբ եւ կախվածություն չի առաջացրել: Մասնագետները ծրագրում են մինչեւ նյութը պրակտիկա մտցնելը հետազոտությունը շարունակել:

Վերջերս Բարսելոնի համալսարանի գիտնականները ցավազրկող էին մշակել, որը լույսով էր ակտիվանում: Երբ լույսն ազդում է JF-NP-26 դեղամիջոցի վրա, ազատվում է ակտիվ մոլեկուլը, որն արգելափակում է mGlu5 ռեցեպտորները, որոնք նյարդային համակարգում կարեւոր դերակատարում ունեն: Դրանց ֆունկցիաներից մեկն է ցավի տարածումը: mGlu5-ի արգելափակումը թույլ չի տալիս, որ ցավը գլխուղեղ հասնի:

Այս թեմայով Մասնագետները հստակեցրել են, թե օրական որքան ջուր է պետք խմել Շրթունքները կարող են պատմել հիվանդությունների մասին Ստրեսից արագ դուրս գալու 8 էֆեկտիվ միջոց Մերկ քնելու 5 պատճառ Ի՞նչ ուտել՝ երիտասարդ մնալու համար