Միթե Կարեն Կարապետյանն էլ կարժանանա Սերժ Սարգսյանի ճակատագրին.նա հրաժարվում է հանձնել իշխանությունը

Վարչապետի պաշտոնակատար Կարեն Կարապետյանի և Նիկոլ Փաշինյանի՝ վաղը նախատեսված հանդիպումը չի կայանա։ Այս մասին լրատվամիջոցներին հայտնել է ՔՊ խոսնակ Տիգրան Ավինյանը։ «Բանակցությունները կարող են տեղի ունենալ միայն ժողովրդական հեղափոխության օրակարգի շուրջ, որևէ այլ քննարկում անիմաստ ժամանակի կորուստ է»,- ասել է ՔՊ խոսնակը։

Ենթադրաբար` Կարեն Կարապետյանը հրաժարվել է քննարկել այն օրակարգը, որը առաջարկվել է Փաշինյանի կողմից:

Ապրիլի 22-ին նույն բանը արեց Սերժ Սարգսյանը, սակայն ընդամենը մեկ օր հետո ընդունեց իր պարտությունը և հեռացավ վարչապետի պաշտոնից:

Ինչի՞ց է առիթավորվել Կարապետյանը, երբ անգամ Սերժ Սարգսյանը չդիմացավ համաժողովրդական ճնշմանը: Կամ ավելի ճիշտ` ովքե՞ր սիրտ տվեցին Կարապետյանին, ով իր վարչապետության մեկ ու կես տարում չի համարձակվել անգամ քաղաքական գեթ մեկ հայտարարություն անել:

Ըստ ամենայնի` վարչապետի պաշտոնակատարին, այսպես ասած, քաջալերել են Մոսկվայից` նպատակ ունենալով կանխել Հայաստանում ծավալվող թավշյա հեղափոխությունը:

Նիկոլ Փաշինյանը միանգամայն ճիշտ է վարվել, որ հրաժարվել է իմիտացիոն բանակցություններից: Պայքարը պետք է շարունակել ու վաղը Հանրապետության հրապարակ պետք է գան բոլորը` անկախ նրանից, Նիկոլ Փաշինյանին համակրո՞ւմ են, թե՞ ոչ:

Ու պետք է սպասել, որ պայքարի այս փուլում ոչ թե Հայաստանի իրավապահներն են ժողովրդի դեմ դուրս գալու, այլ` ռուս զինվորները, որովհետև Կարեն Կարապետյանի վարչապետությունը Հայաստանի աբխազացման խորհրդանիշն է:

Վաղը Փաշինյանի կողքին պետք է լինեն բոլոր նրանք, ում համար Հայաստան պետության ապագան, մեր Հանրապետությունը կարևոր են:

Խնդիրը սոսկ ապագա իշխանությունը չէ, որովհետև Կարեն Կարապետյանի վարչապետությունը նշանակում է Հայաստանի ռուսական վասալացում:

Կարեն Կարապետյանը` իր հովանավորների հետ միասին, ակնհայտորեն վստահ է, որ իր վարչապետության դեմ այդքան հուժկու շարժում չի լինի, որովհետև, ի տարբերություն Սերժ Սարգսյանի, իր նկատմամբ չկա հասարակական մեծ ատելություն: Մյուս կողմից` Կարեն Կարապետյանը հրաժարվում է հանձնել իշխանությունը, որովհետև թերևս վստահ է, որ Փաշինյանի ղեկավարած շարժումը չունի ռեսուրսներ:

Ստեղծված իրավիճակում հասարակությունը հաստատ կգնահատի Փաշինյանի վճռականությունը, եթե նա շարունակի թավշյա հեղափոխությունը` իշխանությունից հեռացնելով նաև Կարեն Կարապետյանին և կանգնեցնելով Հայաստանի ռուսական օկուպացիան:

Քիչ առաջ Փաշինյանը մարդկանց կոչ է արել վաղն առավոտյան 11:00-ի հավաքվել Հանրապետության հրապարակում, շարունակել և ավարտին հասցնել ոչ բռնի, թավշյա, ժողովրդական հեղափոխությունը։ Պատասխան հայտարարությամբ հանդես է եկել Կարեն Կարապետյանը: Տեքստում մասնավորապես ասված է. «Սա նշանակում է ոչ թե բանակցություն կամ երկխոսություն, այլ բացառապես սեփական տեսակետը, օրակարգը հնչեցնել` ընդհուպ մինչև մեր փոխարեն մեր բանակցողներին որոշելով: Ունենալով որոշակի փորձառություն բանակցությունների վարման հարցում՝ երբևէ նման ձևաչափով բանակցությունների մասին չեմ լսել:

Մտահոգ լինելով ստեղծված իրավիճակով` որպես գործադիր իշխանության ղեկավար, ունենալով պարտավորություն ապահովել մեր երկրի բնականոն ռիթմը, դիմում եմ Հայաստանի Հանրապետության նախագահին իր նախընտրած ձևաչափով կազմակերպելու հանդիպում խորհրդարանական և արտախորհրդարանական քաղաքական ուժերի լայն սպեկտրի մասնակցությամբ` քննարկելու ստեղծված ներքաղաքական իրավիճակը և հնարավոր հանգուցալուծման ուղիները` ընդհուպ մինչև արտահերթ խորհրդարանական ընտրությունների անցկացում»: Փաստորեն` Կարեն Կարապետյանը չի պատրաստվում փոխանցել իշխանությունը և պատրաստ է գնալ նույնիսկ արտահերթ ընտրությունների` վստահ լինելով, որ վարչապետի պաշտոնում կարող է ազդել դրանց արդյունքների վրա:

Ու թող սա չվախեցնի մեր հայրենակիցներին. եթե նույն մարդաշատ հրապարակը վաղը դուրս գա, ոչ մեկ, այդ թվում` Կրեմլը չի համարձակվի կրակել ժողովրդի վրա: Եթե թույլ տանք Կարեն Կարապետյանի վարչապետությունը, ապա հետո ստիպված ենք անհավասար պայքար մղել Մոսկվայի դեմ:

Խնդիրը` ոչ թե Նիկոլ Փաշինյանին, այլ` Հանրապետությանը, մեր նահատակների հիշատակը, ազատությունը պաշտպանելն է:

Նյութի աղբյուրը՝ այստեղ

Այս թեմայով Հայոց եկեղեցին թուլացնելը, նրա նկատմամբ իշխանություն հաստատելը շատ ավելի ծանրակշիռ զիջում է, քան տարածքները․ Մենուա Սողոմոնյան Խոշոր զտում իշխանության մեջ «Հիմնարկների աշխատողների կոմպյուտերներում էն շարիկով խաղն ա ինստալ արած, էն որ էս 20 տարի ա խաղում են». Էդմոն Մարուքյան