Զինվորին առնանդամ են փոխպատվաստել

ԱՄՆ-ից պատերազմի վետերանը դարձել է աշխարհում առաջին հիվանդը, ում առնանդամ եւ ամորձապարկ են փոխպատվաստել: Տղամարդն իր սեռական օրգանները կորցրել էր Աֆղանստանում ռումբի պայթյունից հետո: Մասնագետները հույս ունեն, որ տղամարդու սեռական ֆունկցիաները կվերականգնվեն վիրահատությունից հետո մի քանի ամսվա ընթացքում:

Այս վիրահատությանը, որը տեւել է 14 ժամ, մասնակցել են պլաստիկ 9 վիրաբույժներ եւ ուրոլոգիական վիրաբուժության 2 մասնագետներ: Այն կատարվել է մարտի 26-ին Ջոնս Հոփքինսի համալսարանին առընթեր կլինիկայում: Վիրաբույժների նույն խումբն է կատարել նաեւ երկրում առաջին թեւերի կրկնակի փոխպատվաստումը՝ նույնպես մարտական գործողությունների վետերանի:

Հաղորդվում է, որ վիրաբույժներն առնանդամն ամբողջությամբ են փոխպատվաստել, իսկ ամորձապարկն առանց ամորձիների, ինչպես նաեւ որովայնի պատի մի հատվածը՝ այս օրգանները վերցնելով մահացած դոնորից: Ըստ որում՝ դոնորի ամորձիները հեռացվել էին էթիկական նկատառումներով, որպեսզի երիտասարդը չդառնար նրա երեխաների հայրը: Հիվանդը իրականացված վիրահատությունը գիտա-ֆանտաստիկ է անվանել: Նրա խոսքով՝ նարկոզից դուրս գալուց ամիջապես հետո իր ինքնավստահությունը կտրուկ աճել է:

Բժիշկների խոսքով՝ հիվանդը վիրահատությունից հետո արդեն վերականգնվել է, եւ այս շաբաթ նրան հիվանդանոցից  դուրս կգրեն: Այս միջամտությունն աննախադեպ է, այն ճանապարհ է բացում համանման այլ փոխպատվաստումների համար, հատկապես զինվորների շրջանում, որոնք հաճախ են մարտի դաշտում սեռական օրգանները կորցնում: Գիտնականների խումբը վիրաբուժական վիրահատությանը պատրասվել է մի քանի տարի: Սպասվում է, որ մոտակա տարիներին զինվորներին առնանդամի եւս 60 փոխպատվաստում կկատարվի:

Ներկայումս աշխարհում կատարվել է առնանդամի երկու փոխպատվաստում. առաջինը 2006 թվականին կատարվել է Չինաստանում եւ ավարտվել անհաջողությամբ, 2014 թվականին Հարավային Աֆրիկայում կատարված երկրորդ փոխպատվաստումը հաջող է եղել: Սակայն ամերիկացի վիրաբույժներն առաջին անգամ են իրականացրել ամբողջական առանանդամի եւ ամորձապարկի փոխպատվաստում:

Այս թեմայով Ճապոնիայում անց է կացվել առնանդամի ամենամյա փառատոնը / լուսանկարներ-տեսանյութ չափահասների համար «Միայն զենք վերցնելը չէ հայրենասիրությունը․ արժեքները չպետք է մոռանանք»․ Կոմանդոս Հայաստանը ցուցադրեց հարվածի ուժը Կինը կտրել է ամուսնու առնանդամը՝ իր Մարտի 8-ը չշնորհավորելու համար… Աղջիկն իր երկրպագուի առնանդամի լուսանկարն ուղարկել է վերջինիս տատիկին