Ումի՞ց է տեղեկություններ ստանում հայկական մամուլը «գողական» աշխարհի անցուդարձի մասին

Shame.am-ը գրում է․

Հայկական մամուլը գրում է ամեն ինչ և ամեն ինչի մասին, բայց, ցավոք, երբեմն գրում է այն բաների մասին, ինչից տեղյակ լինել ուղղակի չի կարող: Այսպես, երկար ժամանակ է, ինչ գրում են հայ (և ոչ միայն հայ) օրենքով գողերի միջև կոնֆլիկտների մասին: Գրում են, թե Անդրանիկ Սողոյանը (գող Զապը), Սուրեն Ավետիսյանը (Պաշի տղա Սուրոն) և այլք խնդիր ունեն և հնարավոր է, որ մնան «օставлен не вором» կարգավիճակում: Նշենք, որ այդ կարգավիճակն օրենքով գողի համար ամենասարսափելի բանն է, դա նույնն է կամ ավելի վատը, քան ինչ-որ մեկին նախարարի պաշտոնից հեռացնեն, դա էլ քիչ է` քրեական գործ հարուցեն:

Բանն այն է, որ գողերի աշխարհը շատ փակ միջավայր է, այնտեղից տեղեկություն ստանալը հավասարազոր է ԱԱԾ-ից ինչ-որ բան իմանալուն: Գողական աշխարհից մասամբ տեղյակ է ոստիկանության 6-րդ վարչությունը, այն էլ չի տարածում իր տեղեկությունները, քանզի դրանք օպերատիվ և գաղտնի բնույթ են կրում: Հիմա հարց է առաջանում. որտեղի՞ց են մեր կոլեգաներն այսօրինակ տեղեկություններ ստանում գողական աշխարհից: Որտեղի՞ց գիտեն, թե ինչ է ասել Զապը Սուրոյին, այն դեպքում, երբ ասելու պահին Զապն ու Սուրոն երկուսով են եղել, երրորդ մարդ չի լսել այդ ասածը, կամ ինչ է ասել Ժիրոն Արտյոմին: Ինչպե՞ս են իմանում մեր կոլեգաները գողերի կռիվների մասին, երբ գողերն անչափահաս չեն և հրապարակավ կռիվներ չեն անում դպրոցականների նման: Մի՞թե այդքան հզոր գործակալներ ունեն ոստիկանությունում կամ գողական աշխարհում: Եթե այդպես է, ուրեմն, թե՛ Գասպարյան Վովան, թե՛ բոլոր գողերը լուրջ մտորելու տեղ ունեն…