Թրամփը խաբե՞ց Պուտինին․ վիճակը գերլարված է

Լրագիր | Սիրիայի շուրջ իրավիճակը շարունակում է մնալ գերլարված սպասման մեջ, չնայած ԱՄՆ նախագահի թվիթների սարսափազդության տոնի նվազմանը: Ռուսաստանին արդեն թռչող հթիռների մասին զգուշացնելու հետո Թրամփը հայտարարում էր, թե չի ասել հարվածի կոնկրետ ժամկետ եւ այն կարող է լինել թե շուտ, թե ուշ:

Ապրիլի 13-ի առավոտյան տարածվեց տեղեկություն, որ ամերիկյան հետախուզական օդանավերը թռիչքներ են իրականացրել Սիրիայում ռուսական Հմեյմիմ ռազմակայանի վրա: Ավելի վաղ եղել էր տեղեկություն, որ Սիրիան իր ավիացիայի զգալի մասը իր ռազմակայաններից տեղափոխել է ռուսական ռազմակայան, թերեւս ակնկալիքով, որ ԱՄՆ-ն ռուսական ռազմակայանին չի հարվածի:

Արդյոք հետախուզակլան թռիչքների նպատակը դա պարզելն ու հարված նախապատրաստելն էր, թե՞ Վաշինգտոնը ձեռնպահ կմնա ուղիղ Ռուսաստանին հարվածելուց, քանի որ այդ դեպքում հազիվ թե Մոսկվան չգնա պատասխան հարվածի, որը կարող է դառնալ պարզապես վառոդի տակառի մոտ վառված կրակ, հանգեցնելով ուժգին պայթյունի:

Փորձագետները այդուհանդերձ կարծում են, որ բանը չի հասնի ամերիկա-ռուսական ուղիղ բախման: Բայց, համենայն դեպս առայժմ հստակ է, որ ԱՄՆ նախագահ Թրամփը Սիրիայի գլխին «կախել» է հթրիռները եւ հետախուզություն իրականացրել անմիջապես ռուսական ռազմակայանի վրա: Ինչ կընկնի վերեւից, դժվար է կանխատեսել:

Միեւնույն ժամանակ ուշագրավ է, որ ամերիկացի որոշ փորձագետներ համարում են, թե Թրամփը կխուսափի հարվածից հենց այն պատճառով, քանի որ բավական բարդ կլինի հանկարծ այլ երկրի ուժերի, մասնավորապես հենց ռուսներին կամ Իրանին չհարվածելը, որը Սիրիայում նույնպես ունի ռազմական ներկայություն:

Մի բան է, երբ իրանցի զինվորականներ են զոհվում Իսրայելի հարվածից՝ հաշվի առնելով այդ երկրների միջեւ հարաբերության կամ ավելի շուտ փոխադարձ վերաբերմունքի հարցը, եւ այլ կլինի վիճակը, երբ Իրանը կորուստ ունենա Սիրիային ԱՄՆ զինուժի հարվածից:

Այդպիսով, արդյոք Նահանգները հետախուզության միջոցով փորձում են առավելագույն ճշգրտությամբ հղկել թիրախը, Ռուսաստանին եւ Իրանին պատահաբար չհարվածելու համար եւ միայն դրանից հետո կհարվածեն Ասադին: Թե՞ ԱՄՆ երկար ժամանակ կախած կպահի հրթիռները Սիրիայի օդում, համենայն դեպս, ցամաքում դրանց ներքո տարբեր կարեւոր հարցեր լուծելու համար:

մանրամասն՝ կայքում

Այս թեմայով Ինչ է, ի վերջո, ասել Պուտինը Կարապետյանին Պեսկովը պատմել է, թե ինչի մասին են խոսել Մոսկվայում Սարգսյանը տակտիկական քայլ արեց. Մոսկվան կմիջամտի՞ հանուն Կարապետյանի Մոսկվայում երկու տեսակետ կա հայաստանյան իրադարձությունների վերաբերյալ Ռուսական քարոզչամեքենան գործի է անցել Նիկոլի դեմ