«Էսի գողական ռազբորկա չէ, խաբելս ո՞րն ա»․ Սեյրան Սարոյան

«Կարենը խելոք մարդ ա, որ ասել ա, ուրեմն մի բան գիտի»,- այսօր խորհրդարանում լրագրողներին ասաց ՀՀԿ-ական պատգամավոր Սեյրան Սարոյանը՝ անդրադառնալով Կարեն Կարապետյանի այն հայտարարությանը, թե մեծամասնությունը որոշել է վարչապետի պաշտոնին առաջադրել Սերժ Սարգսյանին:

Հարցին, թե չստացվե՞ց, որ Կարեն Կարապետյանին կանչեցին, որպեսզի վարչապետ աշխատի, հետո նրան խաբեցին, Սարոյանը պատասխանեց. «Իսկ դու ի՞նչ գիտես, որ ըտենց պայմանավորված չեն եղել: Հիմա ի՞նչ ա եղել Կարեն Կարապետյանին, որ փոխվարչապետ աշխատավ, ի՞նչ ա փոխվելու Կարեն Կարապետյանի կյանքում, նույն բանը չի՞: Դե տեսնում եք, որ հայ ազգի մեջ ըտենց լավ մարդիկ էլ կան, որ պաշտոնն իրնց պետք չի, կարևորն ազգի համար լավ բան անեն»:

Անդրադառնալով Նիկոլ Փաշինյանի նախաձեռնությանը՝ Սեյրան Սարոյանն ասաց, որ ոչինչ էլ չի փոխվի, քանի որ ժողովրդին լավ է ճանաչում: «Մեկ-մեկ ընկնում եք երազանքների գիրկը, այ տնաշեններ: Ասենք եկան փակեցին, ով ա վլաստի գալու, Նիկո՞լը», հավելեց նա:

Ինչ վերաբերում է Սերժ Սարգսյանի նախկին խոստմանը, թե չի հավակնելու նախագահի ու վարչապետի պաշտոններին՝ պատգամավորն ասաց. «Էսի գողական ռազբորկա չէ, խաբելս ո՞րն ա: Քաղաքականություն ա փոխվե, տեսեք ամբողջ աշխարհում ինչ ա փոխվե: Երբ որ ժողովրդի պահանջ կա, կուսակցության պահանջ կա, բոլոր կուսակցականները կարան կուսակցությանը ենթարկվեն, Սերժ Սարգսյանը կարա չենթարկվի՞»:

Այս թեմայով «Ես դա կասեմ անձամբ վարչապետին և պաշտպանության նախարարին». գեներալ Տեր-Գրիգորյանց Նառա Սարգսյանը՝ հղիության, բալիկի սեռի և անվան ընտրության մասին Նախագահը հանդես է եկել հայտարարությամբ Հարցում Երևանի փողոցներում՝ ո՞վ է վարչապետի ձեր նախընտրած թեկնածուն. ՏԵՍԱՆՅՈՒԹ ՀՀ նախագահը կարգադրություններ է արել