Անկրկնելի Բրեգովիչը համերգ կտա Երեւանում

Աշխարհահռչակ երգահան, կիթառահար եւ դիրիժոր Գորան Բրեգովիչը երեւանյան առաջին համերգից ութ տարի անց իր «Հարսանիքի եւ թաղման նվագախմբով» պատրաստվում է կրկին հրաշալի երեկո պարգեւել հայ հանդիսատեսին: Սերբ երաժշտի մենահամերգը տեղի կունենա ապրիլի 16-ին, ժամը 19:00-ին` Կարեն Դեմիրճյանի անվան մարազահմերգային համալիրի համերգային դահլիճում:

Համերգի կազմակերպիչն է «Մեցցո Պրոդաքշնը»` ՀՀ Մշակույթի նախարարության աջակցությամբ: Տոմսերն ամրագրելու համար կարող եք զանգահարել 096206208 հեռախոսահամարով: 

 

   

Գորան Բրեգովիչը հանդիսանում է Էմիր Կուստուրիցայի գրեթե բոլոր հանրահայտ կինոնկարների երաժշտության հեղինակը, որոնց թվում են «Սեւ կատու, սպիտակ կատու», «Գնչուների ժամանակը», «Արիզոնյան երազանք», «Անդերգրաունդ» ֆիլմերը։

Բրեգովիչին կարելի է բնութագրել որպես խորամանկ երաժիշտ, ում երաժշտությունը խճճեցնող է, իսկ կերպարը՝ լցված գաղտնիքներով: Նրա երաժշտությունն իր մեջ պարունակում է բալկանյան, հունական, հռոմեական, գնչուական հնչերանգներ: 

Դպրոցական տարիներին նրան հեռացրին երաժշտական դպրոցից, ուր նա ջութակ էր ուսուցանում՝ պատճառաբանելով, որ վերջինս տաղանդից զուրկ է: Նրա կյանքն ամբողջությամբ փոխվեց, երբ մայրը նրան մեկ օր կիթառ նվիրեց: Իսկ պատերազմը նրա կյանքը բաժանեց երկու փուլի՝ պատերազմից առաջ նա ռոք երաժիշտ էր, իսկ պատերազմից հետո դարձավ այնպիսին, ինչպիսին նրան այժմ գիտի ողջ աշխարհը:

Գորան Բրեգովիչի երեւանյան նախորդ այցի եւ համերգի մասին կարդացեք այստեղ:

Այս թեմայով Հայտնի երգիչների համերգը՝ Սիրահարների օրվա առթիվ Մարտին Մկրտչյանի ելույթը, Նանուլի պարն ու «Ամարաս»-ի համերգի մյուս մանրամասները