«Իսլամական պետությունը» պատրաստվում է հարձակումներ իրականացնել ֆուտբոլի աշխարհի առաջնության ժամանակ

«Իսլամական պետություն» խմբավորման գրոհայինները ծրագրում են արյունահեղություն իրականացնել Ռուսաստանում անցկացվելիք ֆուտբոլի աշխարհի առաջնության ժամանակ:

Ինչպես նշում է The Sun պարբերականը, իսլամիստները, հավանաբար, անօդաչու թռչող սարքին ամրացված ռումբի միջոցով հարձակում կիրականացնեն անգլիացի երկրպագուների նկատմամբ:

Ինչպես նշվում է, տեսանյութեր և լուսանկարներ են հրապարակվել Telegram-ի ծածկագրված հավելվածում, որոնք մանրամասնորեն ներկայացնում են ահաբեկչական խմբավորման դաժան ծրագրերը՝ նախատեսված ամռանն անցկացվելիք միջազգային մրցաշարի համար: 

Տեսանյութերից մեկում, ըստ Daily Star-ի հաղորդման, պատկերվում է, թե ինչպես են իսլամիստ գրոհայինները վերադառնում Սիրիայից և Իրաքից՝ հատուկ անօդաչուներ պատրաստելու համար Ռուսաստանում:

Լուսանկարներից մեկում էլ պատկերված է հակատանկային հրթիռներ կրող անօդաչուն:

Կիբեռանվտանգության բրիտանացի փորձագետները ենթադրում են, որ այս սպառնալիքին պետք է լուրջ վերաբերվել:

«Կասկած չկա, որ եթե ԻՊ-ն այս տեխնիկան օգտագործի աշխարհի առաջնության ժամանակ հարձակումներ իրականացնելիս, հետևանքներն աղետալի կլինեն», - ասել է հետախուզության աղբյուրը:

Նշենք, որ 2018-ի աշխարհի առաջնությունը մեկնարկելու է հունիսի 14-ին և ավարտվելու է հուլիսի 15-ին:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին